ಬಿಜೆಪಿ ಅರ್ಧ ಸೋಲೊಪ್ಪಿಕೊಂಡಿದೆ: ಪ್ರಮೋದ್‌

Team Udayavani, Apr 12, 2019, 6:30 AM IST

ಕುಂದಾಪುರ: ನನ್ನ ಮುಖ ನೋಡಿ ಮತ ಚಲಾಯಿಸುವುದಲ್ಲ, ಮೋದಿ ಮುಖ ನೋಡಿ ಮತ ಚಲಾಯಿಸಿ ಎನ್ನುವ ಮೂಲಕ ಕ್ಷೇತ್ರ ದಲ್ಲಿ ಬಿಜೆಪಿ ಅರ್ಧ ಸೋಲೊಪ್ಪಿದೆ. ಕ್ಷೇತ್ರದ ಜನತೆಗೆ ಅಹವಾಲು ಹೇಳಿ ಕೊಳ್ಳಲು, ಭೇಟಿಯಾಗಲು ಮೋದಿ ತತ್‌ಕ್ಷಣಕ್ಕೆ ದೊರೆಯುತ್ತಾರಾ, ಬೆಂಗ ಳೂರು ವಿಳಾಸ ನೀಡಿದವರು ಸಿಗು ತ್ತಾರಾ, ಸ್ಥಳೀಯ ಅಭ್ಯರ್ಥಿ ನಾನು ಸಿಗುತ್ತೇನಾ ಎನ್ನುವುದನ್ನು ಯೋಚಿಸಿ ಮತ ಚಲಾಯಿಸಲಿದ್ದಾರೆ ಎಂದು ಕಾಂಗ್ರೆಸ್‌ ಜೆಡಿಎಸ್‌ ಸಮ್ಮಿಶ್ರ ಅಭ್ಯರ್ಥಿ ಪ್ರಮೋದ್‌ ಮಧ್ವರಾಜ್‌ ಹೇಳಿದರು.

ಅವರು ಗುರುವಾರ ಇಲ್ಲಿ ಸುದ್ದಿ ಗಾರರ ಜತೆ ಮಾತನಾಡಿ, ಮೋದಿ ಜನರ ಕೈಗೆ ಸಿಗುವುದಿಲ್ಲ. ನಮಗೆ ದೇಶ ಮುಖ್ಯ. ಜತೆಗೆ ಕ್ಷೇತ್ರದ ಅಭಿವೃದ್ಧಿಯೂ ಮುಖ್ಯ. ನಾನು ಸಚಿವ, ಶಾಸಕನಾಗಿದ್ದಾಗ ಮಾಡಿದ ಅಭಿವೃದ್ಧಿ ಕಾರ್ಯ ಜನ ನೋಡಿದ್ದಾರೆ. ಅದೇ ಮಾದರಿಯಲ್ಲಿ ಎರಡೂ ಜಿಲ್ಲೆಯ ಅಭಿವೃದ್ಧಿಯ ಭರವಸೆ ನೀಡುತ್ತೇನೆ. ಕೇಂದ್ರ ಹಾಗೂ ರಾಜ್ಯದ ಅನುದಾನ ತರಿಸುತ್ತೇನೆ. ಕೆಲಸ ಮಾಡುವವರು ಯಾರು, ಮಾಡದವರು ಯಾರು, ಸ್ಥಳೀಯರು ಯಾರು, ಬೆಂಗಳೂರು ವಿಳಾಸ ನೀಡಿದವರು ಯಾರು ಎಂದು ಜನ ಗಮನಿಸುತ್ತಾರೆ ಎಂದರು.

ಚುನಾವಣೆ ಬಳಿಕ ಮರಳು
ಮರಳಿನ ಸಮಸ್ಯೆಗೆ ಮೂಲ ಕಾರಣವೇ ಕೇಂದ್ರ. ಕರಾವಳಿ ವಲಯ ದಲ್ಲಿ ನಿಷೇಧಿಸಿದೆ, ಕುಂದಾಪುರವನ್ನು ಪರಿಸರ ಸೂಕ್ಷ್ಮ ಪ್ರದೇಶವಾಗಿ ಘೋಷಿಸಲಾಗಿದೆ, ನದಿಯಾಳದಿಂದ ಮರಳು ತೆಗೆಯುವುದನ್ನೂ ನಿಷೇಧಿಸ ಲಾಗಿದೆ. ಇದೆಲ್ಲದರ ವಿರುದ್ಧ ಸಂಸದರು ಕೇಂದ್ರದ ಗಮನ ಸೆಳೆದು ಸಮಸ್ಯೆ ನಿವಾರಿಸಬೇಕಿತ್ತು. ಜನ ವಿರೋಧಿ ಕಾನೂನು ಬಂದಾಗ ಅದನ್ನು ಬದಲಾ ಯಿಸುವುದು ಕೂಡ ಸಂಸದರ ಕೆಲಸ. ನಾನು ಸಚಿವನಾಗಿದ್ದಾಗ 7.38 ಲಕ್ಷ ಟನ್‌ ಮರಳಿಗೆ ಅನುಮತಿ ದೊರೆತಿತ್ತು. ಚುನಾವಣೆ ಮುಗಿದ ಕೂಡಲೇ ಮರಳುಗಾರಿಕೆಗೆ ದೊರೆತ ಅನುಮತಿ ಯಂತೆ ಜನರಿಗೆ ಮರಳು ದೊರಕಿಸಲು ಪ್ರಯತ್ನಿಸುತ್ತೇನೆ ಎಂದರು.

ಮೀನುಗಾರರ ಪ್ರಶ್ನೆಗೆ ಉತ್ತರವಿಲ್ಲ
ಮೀನುಗಾರರ ನಾಪತ್ತೆ ಕುರಿತು ಕೇಂದ್ರ ಉತ್ತರಿಸುತ್ತಿಲ್ಲ. ಅವರ ಬೋಟನ್ನು ನೌಕಾದಳವೇ ಹೊಡೆದುರು ಳಿಸಿದೆ ಎಂಬ ಅನುಮಾನ ನಮಗಿದೆ. ಆದರೆ ಇದಕ್ಕೆ ರಕ್ಷಣಾ ಇಲಾಖೆ, ಸಚಿವರು ಉತ್ತರಿಸುತ್ತಿಲ್ಲ. ಇಷ್ಟು ದಿನಗಳಾದರೂ ಪತ್ತೆ ಮಾಡದಿರುವುದು ಅಕ್ಷಮ್ಯ ಅಪರಾಧ, ಮೀನುಗಾರರಿಗೆ ಬಗೆಯುವ ದ್ರೋಹ ಎಂದರು.

ಆಕ್ಷೇಪ ಇಲ್ಲ
ಮೈತ್ರಿ ಕುರಿತು ಎಲ್ಲೂ ಕಾರ್ಯ ಕರ್ತರು ಆಕ್ಷೇಪಿಸಿಲ್ಲ. 50-60 ಸಭೆಗಳನ್ನು ಮಾಡಿದ್ದೇವೆ. ಗೋ ಬ್ಯಾಕ್‌ ಶೋಭಾ ಅಭಿಯಾನ ಮಾಡಿದವರು, ಕಾಂಗ್ರೆಸ್‌, ಜೆಡಿಎಸ್‌ ಹಾಗೂ ವಿವಿಧ ಕ್ಷೇತ್ರಗಳಲ್ಲಿ ಶಾಸಕರ ಮೇಲೆ ಅಸಮಾಧಾನ ಇರುವವರ ಮತಗಳು ನನಗೆ ದೊರೆತು ನಾನು ಗೆಲುವು ಸಾಧಿಸಲಿದ್ದೇನೆ ಎಂದರು.

ರಫೇಲ್‌ ಡೀಲ್‌ ಸಾಕ್ಷಿ ಕುರಿತು ಸುಪ್ರೀಂಕೋರ್ಟ್‌ ಆದೇಶ ನೀಡಿರು ವುದು ದೇಶದಲ್ಲಿ ಪ್ರಜಾಪ್ರಭುತ್ವದ ಸೌಂದರ್ಯವನ್ನು ತೋರಿಸುತ್ತದೆ ಎಂದರು.
ಕಾಂಗ್ರೆಸ್‌ ಮುಖಂಡರಾದ ಮಲ್ಯಾಡಿ ಶಿವರಾಮ ಶೆಟ್ಟಿ, ಹೆರಿಯಣ್ಣ, ದೇವಕಿ ಸಣ್ಣಯ್ಯ, ವಿನೋದ್‌ ಕ್ರಾಸ್ತಾ, ಚಂದ್ರಶೇಖರ ಶೆಟ್ಟಿ, ಜೆಡಿಎಸ್‌ನ ಪ್ರಕಾಶ್‌ ಶೆಟ್ಟಿ ತೆಕ್ಕಟ್ಟೆ, ಹುಸೇನ್‌ ಹೈಕಾಡಿ ಮೊದಲಾದವರು ಇದ್ದರು.

ಪ್ರಮೋದಿಗೆ ಓಟು ಪತ್ರಕರ್ತರು: ಮೋದಿ ಹವಾ ಇದೆಯೇ?
ಪ್ರಮೋದ್‌: ನನ್ನ ಹೆಸರಿನಲ್ಲಿಯೇ ಮೋದಿ ಇದೆ. ಪ್ರ”ಮೋದಿ’ಗೆ ಓಟು ಕೊಡಿ ಎಂದೇ ನಾನು ಕೇಳುತ್ತಿರುವುದು.