ಆರ್‌ಆರ್‌ ನಗರದಲ್ಲಿ ಡಿ.ಕೆ.ಸುರೇಶ್‌ ರೋಡ್‌ ಶೋ

Team Udayavani, Apr 15, 2019, 3:00 AM IST

ಬೆಂಗಳೂರು: ಕಾಂಗ್ರೆಸ್‌-ಜೆಡಿಎಸ್‌ ಮೈತ್ರಿಕೂಟದ ಬೆಂಗಳೂರು ಗ್ರಾಮಾಂತರ ಲೋಕಸಭಾ ಕ್ಷೇತ್ರದ ಅಭ್ಯರ್ಥಿ ಡಿ.ಕೆ.ಸುರೇಶ್‌, ಭಾನುವಾರ ರಾಜರಾಜೇಶ್ವರಿ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯಲ್ಲಿ ಶಾಸಕ ಮುನಿರತ್ನ ಹಾಗೂ ಜಿಲ್ಲಾ ಕಾಂಗ್ರೆಸ್‌ ಅಧ್ಯಕ್ಷ ರಾಜ್‌ಕುಮಾರ್‌ ಜತೆ ರೋಡ್‌ ಶೋ ಮೂಲಕ ಮತಯಾಚನೆ ಮಾಡಿದರು.

ಕ್ಷೇತ್ರದ ಹಲಗೇವಡೆರಹಳ್ಳಿ, ಚನ್ನಸಂದ್ರ ಕಾಲೋನಿ, ಬಂಗಾರಪ್ಪ ನಗರ, ಉಳ್ಳಾಲ ಮುಖ್ಯರಸ್ತೆ, ಮಲ್ಲತ್ತಹಳ್ಳಿ ಸರ್ಕಲ್‌, ಚಂದ್ರಶೇಖರ ಲೇಔಟ್‌, ಕೆಂಗುಂಟೆ, ಬಿಡಿಎ ಸಂಕೀರ್ಣದ ಸುತ್ತ, ಕೊಟ್ಟಿಗೆಪಾಳ್ಯ, ಸುಂಕದಕಟ್ಟೆ, ಲಗ್ಗೆರೆ ವೃತ್ತ, ಲವಕುಶ ನಗರ, ಆಲದ ಮರದ ಸರ್ಕಲ್‌, ಕೇಂಪೇಗೌಡ ಲೇ ಔಟ್‌, ನಂದಿನಿ ಲೇಔಟ್‌, ಪೀಣ್ಯಾ, ಗೊರಗುಂಟೆ ಪಾಳ್ಯ ಸುತ್ತ ಮುತ್ತ ರೋಡ್‌ ಶೋ ನಡೆಸಿದರು.