ಮದುವೆ ಮನೆಗೆ ಓಡಾಡುವ ಅಭ್ಯರ್ಥಿಗಳು

Team Udayavani, Apr 17, 2019, 6:00 AM IST

ಚುನಾವಣೆ ಬಂತೆಂದರೆ ಸಾಕು, ಅಭ್ಯರ್ಥಿಗಳಿಗೆ ಎಲ್ಲೆಡೆ ಓಟು ಕೇಳುವುದೇ ಕೆಲಸ. ಒಂದು ಓಟಿಗಾಗಿ ಎಲ್ಲಿ ಬೇಕಾದರೂ ಹೋಗಲೂ ಸಿದ್ಧ ವಾಗಿರುತ್ತಾರೆ. ಪುಣೆ ಗ್ರಾಮಾಂತರ ಭಾಗದಲ್ಲೂ ಹೀಗೆಯೇ.. ಅಭ್ಯರ್ಥಿಗಳು ಹೋಗದ ಜಾಗವಿಲ್ಲ. ಮದುವೆ ಮನೆ, ಧಾರ್ಮಿಕ ಕಾರ್ಯ ಕ್ರಮಗಳು, ಗೃಹ  ಪ್ರವೇಶ, ಪಾರ್ಟಿ, ಸಾವಿನ ಮನೆ ಎಲ್ಲ ಕಡೆ ಹೋಗಿ ಒಂದು ಓಟು ಕೊಡಿ ಎಂದು ಕೇಳುತ್ತಿದ್ದಾರಂತೆ.

ಅಚ್ಚರಿ ಎಂದರೆ ಸಾವಿನ ಮನೆಗೆ ಹೋಗುವ ವಿಚಾರದಲ್ಲಿ ಅಭ್ಯರ್ಥಿಗಳು ಪ್ರತ್ಯೇಕ ತಂಡವನ್ನೇ ಮಾಡಿಕೊಂಡಿದ್ದಾರಂತೆ ಆಸುಪಾಸಿನಲ್ಲಿ ಯಾರಾದರೂ ಮೃತಪಟ್ಟರೆ ನೆರವಿಗೆಂದು ಹೋಗುವ ಇವರು ಪರೋಕ್ಷ ವಾಗಿ ಓಟು ತಮಗೇ ಬರುವಂತೆ ನೋಡಿ ಕೊಳ್ಳುತ್ತಾರಂತೆ.

ಸ್ಥಳೀಯರು ಹೇಳುವಂತೆ ರಾಜಕೀಯ ಪಕ್ಷಗಳು ಮತ್ತು ಅಭ್ಯರ್ಥಿಗಳು ಹೀಗಿರಲಿಲ್ಲ. ಮದುವೆ ಮನೆಗಳಿಗೆ ಬರುತ್ತಿರಲಿಲ್ಲ. ಆದರೆ ಈಗ ಒಂದೂ ಕಾರ್ಯಕ್ರಮ ಬಿಡುತ್ತಿಲ್ಲ. ತಾವು ಇರುವ ಸ್ಥಳದ ಪಕ್ಕದಲ್ಲಿ ಕಾರ್ಯಕ್ರಮ ಇದ್ದು, ಆಹ್ವಾನ ಇಲ್ಲದಿದ್ದರೂ ಹೋಗುತ್ತಾರೆ. ಒಂದೇ ಕಡೆಯಲ್ಲಿ ಸುಮಾರು 500 ಮಂದಿ ಮತದಾರರನ್ನು ಭೇಟಿ ಮಾಡುವ ಅವಕಾ ಶ ವನ್ನು ಅವರು ಕಳೆದುಕೊಳ್ಳುವುದಿಲ್ಲ ಎನ್ನುತ್ತಾರೆ. ಬಡವರಾದಾಗಿದ್ದರೆ ತರಕಾರಿ ಹಚ್ಚಲೂ ಅಭ್ಯರ್ಥಿಗಳ ಬೆಂಬಲಿಗರು ರೆಡಿ ಅಂತೆ.