ಹೊಸದುರ್ಗ ಶ್ರೀ ಅಮ್ಮನವರ ದೇವಸ್ಥಾನ: ಅಷ್ಟಬಂಧ ದ್ರವ್ಯ ಕಲಶ

Team Udayavani, Apr 21, 2019, 6:30 AM IST

ಕಾಂಞಂಗಾಡ್‌: ಹೊಸ ದುರ್ಗದ ಶ್ರೀ ಅಮ್ಮನವರ ದೇಗುಲದಲ್ಲಿ ಶ್ರೀ ಮಹಾಗಣಪತಿ, ಶ್ರೀ ಗುರುಪೀಠದ ನೂತನ ಪ್ರತಿಷ್ಠೆ ಮತ್ತು ಶ್ರೀ ಅಮ್ಮನವರ ಅಷ್ಟಬಂಧ ದ್ರವ್ಯ ಕಲಶ ಮಹೋತ್ಸವ ವಿವಿಧ ಕಾರ್ಯಕ್ರಮಗಳೊಂದಿಗೆ ಜರಗಿತು.

ಮರಕಡ ಶ್ರೀ ಗುರುಪರಾಶಕ್ತಿ ಮಠದ ಪರಮಪೂಜ್ಯ ಶ್ರೀ ನರೇಂದ್ರನಾಥ ಯೋಗೀಶ್ವರೇಶ್ವರ ಸ್ವಾಮೀಜಿ ಅವರ ದಿವ್ಯ ಉಪಸ್ಥಿತಿಯಲ್ಲಿ ತಂತ್ರರತ್ನ ಬ್ರಹ್ಮಶ್ರೀ ಸುಬ್ರಹ್ಮಣ್ಯ ಬಾರಿಕ್ಕಾಡ್‌ತ್ತಾಯ ಅವರ ನೇತೃತ್ವದಲ್ಲಿ ಶ್ರೀ ಮಹಾಗಣಪತಿ, ಶ್ರೀ ಗುರುಪೀಠ ಪ್ರತಿಷ್ಠೆ, ಶ್ರೀ ಅಮ್ಮನವರಿಗೆ ಅಷ್ಟಬಂಧ ದ್ರವ್ಯ ಕಲಶ ಮಹೋತ್ಸವ, 108 ತೆಂಗಿನ ಕಾಯಿಯ ಮಹಾಗಣಪತಿ ಹೋಮ, ಅಧಿವಾಸ ವಿಡರ್ತಿ ಪೂಜೆ, ಪುಣ್ಯಾಹ, ಮುಹೂರ್ತಕ್ಕೆ ಅಷ್ಟಬಂಧ ಕ್ರಿಯೆ, ಕರ್ಕರಿ ಪರಿಷೇಕ, ಕುಂಭೇಶ ಕಲಶಾಭಿಷೇಕ, ನಿದ್ರ ಕಲಶಾಭಿಷೇಕ, ಪರಿಕಲಶಾಭಿಷೇಕ, ಬ್ರಹ್ಮಕಲಶಾಭಿಷೇಕ, ಮಹಾಪೂಜೆ, ಪ್ರಸಾದ ವಿತರಣೆ ನಡೆಯಿತು.

ಶ್ರೀ ಕಾಲಭೈರವೇಶ್ವರ ಶ್ರೀ ವ್ಯಾಘ್ರ ಚಾಮುಂಡಿ ದೇವರುಗಳಿಗೆ ಕಲಶಾ ಭಿಷೇಕ, ಶ್ರೀ ನಾಗರಾಜ ನಾಗ ಕನ್ನಿಕೆಗೆ ಕಲಶಾಭಿಷೇಕ, ಶ್ರೀ ಗಳಿಗ ರಾಜನಿಗೆ ಕಲಶಾಭಿಷೇಕ, ಶ್ರೀ ವೆಂಕಟ್ರಮಣ ದೇವರ ಮುಡಿಪು ಪೂಜೆ, ಶ್ರೀ ಸ್ವಾಮೀಜಿ ಆವರಿಂದ ಆಶೀರ್ವಚನ, ಮಹಾ ಪೂಜೆ, ದೇವೀ ದರ್ಶನ, ಪ್ರಸಾದ ವಿತರಣೆ, ಭಜನೆ, ಮಹಾರಂಗ ಪೂಜೆ ಜರಗಿತು. ಕಾರ್ಯಕ್ರಮಕ್ಕೆ ಮುನ್ನ ಶ್ರೀ ನರೇಂದ್ರನಾಥ ಯೋಗೀಶ್ವರೇಶ್ವರ ಸ್ವಾಮೀಜಿ ಅವರಿಗೆ ಪೂರ್ಣಕುಂಭ ಸ್ವಾಗತ ನೀಡಲಾಯಿತು.