ಬಾಕ್ಸರ್‌ ವಿಜೇಂದರ್‌ ಸಿಂಗ್‌ ದಕ್ಷಿಣ ದೆಹಲಿ ಕಾಂಗ್ರೆಸ್‌ ಅಭ್ಯರ್ಥಿ

Team Udayavani, Apr 23, 2019, 1:38 PM IST

ಹೊಸದಿಲ್ಲಿ: 2008 ರ ಬೀಜಿಂಗ್‌ ಒಲಂಪಿಕ್ಸ್‌ನ ಕಂಚಿನ ಪದಕ ವಿಜೇತ್‌ ಬಾಕ್ಸರ್‌ ವಿಜೇಂದರ್‌ ಸಿಂಗ್‌ ಅವರಿಗೆ ದಕ್ಷಿಣ ದೆಹಲಿ ಕ್ಷೇತ್ರದ ಕಾಂಗ್ರೆಸ್‌ ಟಿಕೆಟ್‌ ನೀಡಲಾಗಿದೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ವಿಜೇಂದರ್‌, ಕಾಂಗ್ರೆಸ್‌ ಪಕ್ಷ ನನಗೆ ಜನರ ಸೇವೆ ಮಾಡುವ ಜವಾಬ್ದಾರಿಯನ್ನು ನೀಡಿದ್ದುನಾನು ತುಂಬಾ ಖುಷಿಯಾಗಿದ್ದೇನೆ. ಓರ್ವ ಚಾಲಕನ ಮಗನಾಗಿ ಬಡವರ ಬವಣೆಗಳನ್ನು ಅರಿತಿದ್ದೇನೆ. ನಾನು ಜನರ ಸಮಸ್ಯೆಗಳನ್ನು ಕೇಳಲು ಅವರ ಬಳಿ ತೆರಳುತ್ತೇನೆ ಎಂದಿದ್ದಾರೆ.

ನಾನು ನನ್ನ 20 ವರ್ಷದ ಬಾಕ್ಸಿಂಗ್‌ ವೃತ್ತಿಯಲ್ಲಿ ರಿಂಗ್‌ನಲ್ಲಿ ದೇಶಕ್ಕೆ ಹೆಮ್ಮೆ ತಂದಿಟ್ಟಿದ್ದೇನೆ. ಇದು ನನ್ನ ದೇಶದ ಜನರಿಗಾಗಿ ಏನಾದರು ಮಾಡಲು ಸಕಾಲ. ನಾನು ಈ ಅವಕಾಶವನ್ನು ಸ್ವೀಕರಿಸಿ ಕಾಂಗ್ರೆಸ್‌ ಪಕ್ಷಕ್ಕೆ ಧನ್ಯವಾದಗಳನ್ನು ಸಲ್ಲಿಸುತ್ತೇನೆ ಎಂದು ವಿಜೇಂದರ್‌ ಸಿಂಗ್‌ ಟ್ವೀಟ್‌ ಮಾಡಿದ್ದಾರೆ.

ವಿಜೇಂದರ್‌ ಸಿಂಗ್‌ ಅವರು ಬಿಜೆಪಿ ಹಾಲಿ ಸಂಸದ ರಮೇಶ್‌ ಬಿಧೂರಿ ಅವರನ್ನು ಎದುರಿಸಲಿದ್ದಾರೆ.