ಈ ಬಾರಿ ಪ್ರಧಾನಿ ಮೋದಿ ಅವರ ಆದಾಯ ಎಷ್ಟಾಗಿದೆ? ವಿವರ ಬಹಿರಂಗ

Team Udayavani, Apr 26, 2019, 5:53 PM IST

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಉತ್ತರಪ್ರದೇಶದ ವಾರಾಣಸಿ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಲು ಶುಕ್ರವಾರ ನಾಮಪತ್ರ ಸಲ್ಲಿಸಿದ್ದು, ಜೊತೆಗೆ ಅಫಿಡವಿಟ್ ನಲ್ಲಿ ತಮ್ಮ ಆದಾಯದ ವಿವರವನ್ನು ಘೋಷಿಸಿಕೊಂಡಿದ್ದಾರೆ.

ಮೋದಿ ಅವರ ಆದಾಯ ಎಷ್ಟಾಗಿದೆ?

*ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರಿನಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಖಾತೆಯಲ್ಲಿ 1.27 ಕೋಟಿ ರೂ. ಠೇವಣಿ ಇದೆ.

*ಪ್ರಧಾನಿ ನರೇಂದ್ರ ಮೋದಿ ಅವರ ಒಟ್ಟು ಆಸ್ತಿ ಮೌಲ್ಯ 2.51 ಕೋಟಿ ರೂಪಾಯಿ.

*ಒಟ್ಟು ಚರಾಸ್ತಿ ಮೌಲ್ಯ 1,41,36,119 (1.41 ಕೋಟಿ ರೂಪಾಯಿ)

*ಸ್ಥರಾಸ್ತಿ ಒಟ್ಟು ಮೌಲ್ಯ 1.10 ಕೋಟಿ ರೂಪಾಯಿ

*ಬಾಂಡ್ಸ್ 20,000, ಎಲ್ ಐಸಿ ಮತ್ತು ಎನ್ ಎಸ್ ಸಿ 9,51,813 ರೂಪಾಯಿ.

* 4 ಚಿನ್ನದ ಉಂಗುರದ ಬೆಲೆ 1,13,800 ರೂಪಾಯಿ.

ಪ್ರಧಾನಿ ಮೋದಿ ಆದಾಯ ಮೂಲ ಯಾವುದು?

ಅಫಿಡವಿಟ್ ಪ್ರಕಾರ ಪ್ರಧಾನಿ ನರೇಂದ್ರ ಮೋದಿ ಅವರ ಆದಾಯ ಮೂಲ ಸರ್ಕಾರದ ಸಂಬಳ ಹಾಗೂ ಅವರ ಉಳಿತಾಯದ ಮೇಲಿನ ಬಡ್ಡಿ. 2019ರ ಲೋಕಸಭಾ ಚುನಾವಣೆಯ ಅಫಿಡವಿಟ್ ನಂತೆ, ಮೋದಿ ಅವರ ವಿರುದ್ಧ ಯಾವುದೇ ಕ್ರಿಮಿನಲ್ ಆರೋಪಗಳಿಲ್ಲ.

2019ರ ಮಾರ್ಚ್ 31ರವರೆಗೆ ಪ್ರಧಾನಿ ಮೋದಿ ಅವರ ಕೈಯಲ್ಲಿ 38, 750 ರೂಪಾಯಿ ನಗದು ಹಣ. ಮೋದಿ ಅವರ ಬ್ಯಾಂಕ್ ಬ್ಯಾಲೆನ್ಸ್ 4,143 ರೂಪಾಯಿ. ಆದರೆ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ 1.27 ಕೋಟಿ ಠೇವಣಿ ಇಟ್ಟಿದ್ದಾರೆ. 2014ರಲ್ಲಿ ತಮ್ಮ ಕೈಯಲ್ಲಿ 32,700 ರೂಪಾಯಿ ನಗದು ಹಾಗೂ ಬ್ಯಾಂಕ್ ಬ್ಯಾಲೆನ್ಸ್ 26.05 ಲಕ್ಷ ರೂಪಾಯಿ ಹೊಂದಿದ್ದು, 32.48 ಲಕ್ಷ ರೂಪಾಯಿ ನಿರಖು ಠೇವಣಿ ಇಟ್ಟಿರುವುದಾಗಿ ಘೋಷಿಸಿಕೊಂಡಿದ್ದರು.