ಕುಂದಾಪುರ: ಸಂಗೀತ ಶಾಲೆ ಆರಂಭ

Team Udayavani, May 2, 2019, 6:16 AM IST

ಕುಂದಾಪುರ: ಇಲ್ಲಿ ಎಸ್‌. ಪಿ. ಮ್ಯೂಸಿಕಲ್‌ ಟ್ರ್ಯಾಕ್‌ ಸಂಗೀತ ಶಾಲೆಯ ಉದ್ಘಾಟನೆಗೊಂಡಿತು.ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಜೆಸಿಐನ ಪಿ. ಪಿ. ಪಿ. ಶ್ರೀಧರ್‌ ಪಿ. ಎಸ್‌., ಸಂಗೀತ ಪ್ರಿಯರು ಇದರ ಸದುಪಯೋಗ ಪಡೆದುಕೊಂಡು ಮುಂದಿನ ದಿನಗಳಲ್ಲಿ ಉತ್ತಮ ಗಾಯಕರಾಗಿ ಹೊರ ಹೊಮ್ಮ ಬೇಕಾಗಿ ತಿಳಿಸಿದರು.

ಜೆಸಿಐ ಸೆನೆಟ್‌ ಸದಾನಂದ ನಾವಡ ಉದ್ಘಾಟಿಸಿದರು. ಮುಖ್ಯ ಅತಿಥಿಯಾಗಿ ಜೆಸಿಐ ಅಧ್ಯಕ್ಷ ಅಶೋಕ ತೆಕ್ಕಟ್ಟೆ, ಪರಿ ಯಾಳ ಸಮಾಜದ ಅಧ್ಯಕ್ಷ ಮಂಜುನಾಥ್‌ ಸಾಲಿಯಾನ್‌ ತ್ರಾಸಿ, ನಿರೂಪಕ ಸಂದೇಶ ಶೆಟ್ಟಿ ಸಳ್ವಾಡಿ ಉಪಸ್ಥಿತರಿದ್ದರು.
ಕುಂದಾಪುರದಲ್ಲಿ 7 ಲಕ್ಷ ರೂ. ಮೌಲ್ಯದ ಬಂಗಾರವನ್ನು ಕಳೆದುಕೊಂಡ ಮನೆಯವರಿಗೆ ಬಂಗಾರವನ್ನು ಹುಡುಕಿ ತಂದು ಹಿಂದಿರುಗಿಸಿ ಕೊಟ್ಟು ಮಾನವೀಯತೆ ಮೆರೆದ ರಾಘವೇಂದ್ರ ಖಾರ್ವಿ ಹಾಗೂ ಗುರುಪ್ರಸಾದ್‌ ಖಾರ್ವಿ ಅವರನ್ನು ಅಭಿನಂದಿಸಲಾಯಿತು. ಸುಚೇಂದ್ರ ಆಚಾರ್ಯ ನಿರೂಪಿಸಿ, ವಂದಿಸಿದರು.