ಉತ್ತರ ಪ್ರದೇಶ : ಕತ್ತು ಹಿಸುಕಿ ಮಹಿಳೆಯ ಕೊಲೆ; ಲವರ್‌ ಅರೆಸ್ಟ್‌

Team Udayavani, May 2, 2019, 10:58 AM IST

ಮುಜಫ‌ರನಗರ, ಉತ್ತರ ಪ್ರದೇಶ : ಕಳೆದ ತಿಂಗಳಲ್ಲಿ ಇಲ್ಲಿ ಶವವಾಗಿ ಪತ್ತೆಯಾಗಿದ್ದ ಮಹಿಳೆಯ ಶಂಕಿತ ಪ್ರೇಮಿಯನ್ನು ಬಂಧಿಸಿರುವುದಾಗಿ ಪೊಲೀಸರು ಇಂದು ಗುರುವಾರ ತಿಳಿಸಿದ್ದಾರೆ.

ಮೋರ್ನಾ ಬ್ಲಾಕ್‌ನ ಗದ್ಲಾ ಅರಣ್ಯ ಪ್ರದೇಶದಲ್ಲಿ ಕಳೆದ ಎ.23ರಂದು ಶವವಾಗಿ ಪತ್ತೆಯಾಗಿದ್ದ ಮಹಿಳೆ, ಬಬಿತಾಳನ್ನು ತಾನು ಕೊಂದಿರುವುದು ಹೌದೆಂದು ಆರೋಪಿ ವಿಕಾಸ್‌ ಪೊಲೀಸರಲ್ಲಿ ಒಪ್ಪಿಕೊಂಡಿದ್ದಾನೆ.

ಐದು ವರ್ಷಗಳ ಹಿಂದೆ ಬಬಿತಾಳ ಪತಿ ಮೃತ ಪಟ್ಟಿದ್ದ. ಆ ಬಳಿಕ ವಿಕಾಸ್‌ ಆಕೆಯ ಜತೆಗೆ ದೈಹಿಕ ಸಂಪರ್ಕ ಬೆಳೆಸಿಕೊಂಡಿದ್ದ. ತನ್ನನ್ನು ಮದುವೆಯಾಗುವಂತೆ ಬಬಿತಾ, ವಿಕಾಸ್‌ ಮೇಲೆ ಒತ್ತಡ ಹೇರುತ್ತಿದ್ದಳು. ಆದರೆ ಮದುವೆಗೆ ಒಪ್ಪದಿದ್ದ ವಿಕಾಸ್‌ ಆಕೆಯನ್ನು ಕತ್ತು ಹಿಸುಕಿ ಕೊಂದು ಅರಣ್ಯದಲ್ಲಿ ಎಸೆದಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. ಕೊಲೆ ಆರೋಪಿ ವಿಕಾಸ್‌ ನನ್ನು ಪೊಲೀಸರು ನಿನ್ನೆ ಬುಧವಾರ ಬಂಧಿಸಿದ್ದರು.