ಸಮುದ್ರ ತಟದ ಏಲಿಯನ್ ಕಲ್ಲುಗಳು!
Team Udayavani, May 2, 2019, 11:30 AM IST
ಡೈನೋಸಾರ್ ಮೊಟ್ಟೆಯಂತೆ, ಅನ್ಯಲೋಕದಿಂದ ಬಂದು ಬಿದ್ದ ಅವಶೇಷಗಳಂತೆ ಕಾಣುವ ಇವು ವಾಸ್ತವದಲ್ಲಿ ಅವ್ಯಾವುವೂ ಅಲ್ಲ…
ನ್ಯೂ ನ್ಯೂಜಿಲೆಂಡ್ನ ದಕ್ಷಿಣ ದ್ವೀಪದ ಒಟಾಗೋ ಕರಾವಳಿಯಲ್ಲಿರುವ ಕೊಕೊಹೇ ಬೀಚಿನಲ್ಲಿ ದೊಡ್ಡ ದೊಡ್ಡ ಗೋಲಾಕಾರದ ಬಂಡೆಗಳಿವೆ. ಇವು ಅನಾದಿ ಕಾಲದಿಂದಲೂ ಸಂಶೋಧಕರ ಕುತೂಹಲವನ್ನು ಕೆರಳಿಸುತ್ತಿವೆ. ಈ ಬಂಡೆಗಳು ಅಸಂಖ್ಯ ಪ್ರವಾಸಿಗರನ್ನೂ ಆಕರ್ಷಿಸುತ್ತಿವೆ. ಪಕ್ಕನೆ ನೋಡಿದರೆ ಒಡೆದ ಡೈನೋಸಾರ್ ಮೊಟ್ಟೆಯಂತೆ ಕಾಣುವ ಇವು ವಿವಿಧ ಬಣ್ಣ, ಮತ್ತು ವಿನ್ಯಾಸಗಳನ್ನು ಹೊಂದಿವೆ. ಇವುಗಳ ಎದುರು ನಿಂತು ಫೋಟೋ ತೆಗೆಸಿಕೊಳ್ಳಲು ಪ್ರವಾಸಿಗರು ಇಷ್ಟಪಡುತ್ತಾರೆ. ಈ ಬಂಡೆಗಳ ಸಮೂಹ “ಮೊರಾಕಿ ಬೌಲ್ದೆರ್ಸ್’ ಎಂದೇ ಪ್ರಖ್ಯಾತಿ ಪಡೆದಿದೆ. ಬೌಲ್ದೆರ್ಸ್ ಎಂದರೆ “ಬಂಡೆ’ ಎಂದರ್ಥ.
ರಚನೆ ಹೇಗಾಯ್ತು?
ಪ್ರಕೃತಿಯಲ್ಲಿ ದುಂಡಗಿರುವ ಬಂಡೆಗಳು ಸಾಮಾನ್ಯ. ಮೊರಾಕಿ ಬೌಲ್ದೆರ್ಸ್ ಬಂಡೆಗಳು ಬೃಹತ್ ಗಾತ್ರ ಮತ್ತು ವಿಭಿನ್ನವಾದ ಮೇಲ್ಮೈ ಹೊಂದಿವೆ. ಕೆಸರು, ಖನಿಜಗಳ ಸಮ್ಮಿಶ್ರಣದಿಂದ ರೂಪಿಸಲ್ಪಟ್ಟಿವೆ. ಕೆಸರಿನ ಪದರಗಳು ಒಂದರ ಜೊತೆಗೆ ಇನ್ನೊಂದು ಸೇರಿ, ಬೆರೆಯುತ್ತಾ ಬೆರೆಯುತ್ತಾ ಗಟ್ಟಿಗೊಂಡು, ಕಾಲ ಕ್ರಮೇಣ ದೊಡ್ಡ ಬಂಡೆಗಳಾಗಿವೆ. ಅವುಗಳಲಿ ಕೆಲವು ಕಡಲಕೊರೆತದಿಂದ ಟೊಳ್ಳಾಗಿವೆ. ಅದರ ಮೇಲಿನ ಗೀರು ಮತ್ತು ವಿನ್ಯಾಸಗಳಿಗೂ ಅದೇ ಕಾರಣ. ಇವುಗಳ ರಚನೆ ರೂಪುಗೊಂಡಿದ್ದು ಸುಮಾರು 60 ದಶಲಕ್ಷ ವರ್ಷಗಳ ಹಿಂದೆ ಎಂದು ನಂಬಲಾಗಿದೆ.
ಗೋಲಾಕಾರ ಹೇಗಾಯ್ತು? ಇಂದಿಗೂ ವಿಜ್ಞಾನಿಗಳನ್ನು ಕುತೂಹಲಕ್ಕೆ ತಳ್ಳಿರುವ ಸಂಗತಿ ಎಂದರೆ, ಈ ಬಂಡೆಗಳು ಗೋಲಾಕಾರವನ್ನು ಹೇಗೆ ಪಡೆದವು ಎಂಬುದು. ಸಮುದ್ರದ ಅಲೆಗಳು, ಗುರುತ್ವಾಕರ್ಷಣೆ ಮತ್ತು ವಾತಾವರಣದ ಒತ್ತಡ ಕೂಡಾ ಇದಕ್ಕೆ ಕಾರಣವಾಗಿರಬಹುದು ಎಂಬುದು ವಿಜ್ಞಾನಿಗಳ ಊಹೆ. ಅದಕ್ಕೆ ಪುರಾವೆಗಳಿನ್ನೂ ಸಿಕ್ಕಿಲ್ಲ.
— ಗಾಯತ್ರಿ ಯತಿರಾಜ್
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Salman Khan: 5 ಕೋಟಿ ನೀಡಿ, ಇಲ್ಲದಿದ್ದರೆ… ಸಲ್ಮಾನ್ ಖಾನ್ ಗೆ ಮತ್ತೆ ಜೀವ ಬೆದರಿಕೆ
Vijayapura: ಗ್ರಾಮಕ್ಕೆ ನುಗ್ಗಿದ ಮೊಸಳೆ ಸೆರೆ
Canada Vs India: ನಿಜ್ಜರ್ ಹತ್ಯೆ ಕೇಸಲ್ಲಿ ಸತ್ಯ ಒಪ್ಪಿದ ಕೆನಡಾ ಪ್ರಧಾನಿ: ಕೇಂದ್ರ ಸರಕಾರ
Helping Nature: ಭಾರತ ದಾಳಿ ಮಾಡಲ್ಲ, ತನ್ನ ಮೇಲಿನ ದಾಳಿಯನ್ನೂ ಸಹಿಸಲ್ಲ: ಭಾಗವತ್
Kanakapura: ಪ್ರವಾಸ ಸಂದರ್ಭ ವಿದ್ಯಾರ್ಥಿನಿಯರಿಗೆ ಉಪನ್ಯಾಸಕರಿಂದ ಮದ್ಯಪಾನ: ದೂರು
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.