ಜೋಡೆತ್ತು ಜೋಡೆತ್ತು ಒಳ್ಳೆಗತ್ತು …

Team Udayavani, May 7, 2019, 3:01 AM IST

“ಜೋಡೆತ್ತು, ಜೋಡೆತ್ತು ಒಳ್ಳೆಗತ್ತು ….’ ಸದ್ದಿಲ್ಲದೇ ಹೀಗೊಂದು ಹಾಡು ಹುಟ್ಟಿಕೊಂಡಿದೆ. ಕೇವಲ ಹುಟ್ಟಿಕೊಂಡಿದ್ದಷ್ಟೇ ಅಲ್ಲ, ಚಿತ್ರೀಕರಣ ಕೂಡಾ ಮುಗಿಸಿದೆ. ಹೌದು, ಲೋಕಸಭಾ ಚುನಾವಣಾ ಪ್ರಚಾರದಲ್ಲಿ “ಜೋಡೆತ್ತು’ ಪದದ ಸದ್ದು ಜೋರಾಗಿತ್ತು. ಪರ-ವಿರೋಧ, ವಿವಾದ ಎಲ್ಲವೂ ಅದರ ಸುತ್ತ ಸುತ್ತಿಕೊಂಡಿದ್ದು ನಿಮಗೆ ಗೊತ್ತೇ ಇದೆ.

ದರ್ಶನ್‌ ಅವರು ಹೇಳಿದ ಈ ಪದ ಜನಪ್ರಿಯವಾಗುತ್ತಿದ್ದಂತೆ “ಜೋಡೆತ್ತು’ ಎಂಬ ಟೈಟಲ್‌ ಇಡಲು ಅನೇಕರು ಪ್ರಯತ್ನಿಸಿದ್ದರು. ಈಗ “ರಾಜ ರಾಣಿ ರೋರರ್‌ ರಾಕೆಟ್‌’ ಸಿನಿಮಾದಲ್ಲಿ “ಜೋಡೆತ್ತು ಜೋಡೆತ್ತು ಒಳ್ಳೆಗತ್ತು’ ಎಂಬ ಹಾಡನ್ನು ರಚಿಸಿ, ಚಿತ್ರೀಕರಿಸಲಾಗಿದೆ. ಚಿಕ್ಕಬಾಣಾವಾರದಲ್ಲಿ 2ದಿನಗಳ ಕಾಲ, 150ಕ್ಕೂ ಹೆಚ್ಚು ನೃತ್ಯಗಾರರನ್ನು ಸೇರಿಸಿ ಈ ಹಾಡನ್ನು ಚಿತ್ರೀಕರಿಸಲಾಗಿದೆ.

ಈ ಹಾಡಿನ ಚಿತ್ರೀಕರಣದೊಂದಿಗೆ “ರಾಜ ರಾಣಿ ರೋರರ್‌ ರಾಕೆಟ್‌’ ಚಿತ್ರೀಕರಣ ಮುಕ್ತಾಯವಾಗಿದೆ. ಕೆಂಪೇಗೌಡ ಮಾಗಡಿ ಅವರು ಕಥೆ, ಚಿತ್ರಕಥೆ ಹಾಗೂ ಸಂಭಾಷಣೆ ಬರೆದು ನಿರ್ದೇಶಿಸುತ್ತಿರುವ ಈ ಚಿತ್ರದ ನಾಯಕರಾಗಿ ಭೂಷಣ್‌ ಅಭಿನಯಿಸಿದ್ದಾರೆ.

ಭೂಷಣ್‌ ಕನ್ನಡ ಚಿತ್ರರಂಗದಲ್ಲಿ ನೃತ್ಯ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಪ್ರಖ್ಯಾತ್‌ ಅವರ ಛಾಯಾಗ್ರಹಣರುವ ಈ ಚಿತ್ರಕ್ಕೆ ಸುರೇಂದ್ರನಾಥ್‌ ಅವರ ಸಂಗೀತ ನಿರ್ದೇಶನದೆ. ಚಿತ್ರದ ತಾರಾಬಳಗದಲ್ಲಿ ಭೂಷಣ್‌, ಸಂತೋಷ್‌, ರಣಧೀರ್‌, ಮನೋಜ್‌ಕುಮಾರ್‌, ಮಾನ್ಯ, ಎಂ.ಡಿ.ಕೌಶಿಕ್‌, ಮೂಗೂರು ಸುಂದರಂ ಮುಂತಾದವರಿದ್ದಾರೆ.