ಹೇಗಿದ್ದಾಳೆ ಗೊತ್ತಾ ರಾಕಿ ಭಾಯ್‌ ಪುಟಾಣಿ ಪಾಪು?

ತಮ್ಮ ಮಗಳ ಚಿತ್ರವನ್ನು ಟ್ವಿಟ್ಟರ್‌ ನಲ್ಲಿ ಹಂಚಿಕೊಂಡ ರಾಕಿಂಗ್‌ ಸ್ಟಾರ್‌

Team Udayavani, May 7, 2019, 12:37 PM IST

ಬೆಂಗಳೂರು: ಸ್ಯಾಂಡಲ್‌ ವುಡ್‌ ನ ರಾಕಿಂಗ್‌ ಸ್ಟಾರ್‌ ಯಶ್‌ ಅವರು ಇಂದು ಮೊದಲ ಬಾರಿಗೆ ತಮ್ಮ ಪುಟ್ಟ ಮಗಳ ಫೊಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ತಮ್ಮ ಅಧಿಕೃತ ಟ್ವಿಟ್ಟರ್‌ ಅಕೌಂಟ್‌ ನಲ್ಲಿ ಮುದ್ದು ಮುಖದ ಹಾಲುಗೆನ್ನೆಯ ಮಗಳ ಚಿತ್ರವನ್ನು ಯಶ್‌ ಅವರು ಹಂಚಿಕೊಂಡಿದ್ದಾರೆ. ಅಕ್ಷಯಾ ತೃತೀಯ ದಿನದಂದು ತಮ್ಮ ಪುಟ್ಟ ಮಗಳ ಫೊಟೋವನ್ನು ಎಲ್ಲರೊಂದಿಗೆ ಹಂಚಿಕೊಳ್ಳುವುದಾಗಿ ಯಶ್‌ ಈ ಮೊದಲು ಹೇಳಿಕೊಂಡಿದ್ದರು.

‘ನನ್ನ ಜಗತ್ತನ್ನು ಆಳುವ ಸಾಮ್ರಾಜ್ಞಿಯನ್ನು ಇವತ್ತು ನಿಮಗೆ ಪರಿಚಯಿಸುತ್ತಿದ್ದೇನೆ’ ಎಂಬ ಬರಹದೊಂದಿಗೆ ಈ ಮುದ್ದಾದ ಫೊಟೋವನ್ನು ಯಶ್‌ ತಮ್ಮ ಅಭಿಮಾನಿಗಳಿಗಾಗಿ ಹಂಚಿಕೊಂಡಿದ್ದಾರೆ. ಈಕೆಗಿನ್ನೂ ನಾಮಕರಣ ಆಗಿಲ್ಲದಿರುವ ಕಾರಣ ನೀವು ಬೇಕಾದರೆ ಈಕೆಯನ್ನು ‘ವೈ.ಆರ್‌.’ ಎಂದು ಕರೆಯಬಹುದು ಎಂದೂ ಯಶ್‌ ತಮ್ಮ ಟ್ವೀಟ್‌ ನಲ್ಲಿ ಬರೆದುಕೊಂಡಿದ್ದಾರೆ.

Presenting to you ” The girl who rules my world ”
Since we haven’t named her yet, let’s call her baby YR for now
Do shower your love n blessings on her too pic.twitter.com/x62kV5sEAC

— Yash (@TheNameIsYash) May 7, 2019

ಈ ನನ್ನ ಮುದ್ದು ರಾಜಕುಮಾರಿಗೆ ನಿಮ್ಮೆಲ್ಲರ ಆಶೀರ್ವಾದ ಇರಲಿ ಎನ್ನುವುದು ರಾಕಿಂಗ್‌ ಸ್ಟಾರ್‌ ಮನವಿ. ಯಶ್‌-ರಾಧಿಕಾ ದಂಪತಿಯ ಈ ಮುದ್ದು ಮಗುವಿಗೆ ಆದಷ್ಟು ಬೇಗ ಮುದ್ದಾದ ಹೆಸರು ಬರಲಿ ಎಂಬುದು ನಮ್ಮ ಆಶಯ.

ಇನ್ನೊಂದು ಟ್ವೀಟ್‌ ನಲ್ಲಿ ಯಶ್‌ ಅವರು ತಮ್ಮ ಬೆರಳನ್ನು ಮಗಳ ಪುಟಾಣಿ ಕೈಗಳು ಹಿಡಿದಿರುವ ಫೊಟೋ ಹಾಕಿಕೊಂಡಿದ್ದಾರೆ. ಅಪ್ಪನಾಗುವ ಹಾದಿಯಲ್ಲಿ ನನ್ನನ್ನು ಮುನ್ನಡೆಸಿಕೊಂಡು ಹೋಗುವ ಪುಟ್ಟ ಕೈಗಳಿವು. ಈಕೆಯನ್ನು ನಾನು ತುಂಬಾ ಪ್ರೀತಿಸುತ್ತೇನೆ ಎಂದೂ ಬರೆದುಕೊಂಡಿದ್ದಾರೆ.
ಕ್ಯೂಟ್‌ ಕ್ಯೂಟ್‌ ಆಗಿರುವ ಈ ಮುದ್ದು ಮಗುವಿಗೆ ನಾವೂ ನೀವೂ ಸೇರಿ ಒಂದು ಬೆಸ್ಟ್‌ ವಿಶಷ್‌ ಹೇಳಿಬಿಡೋಣ ಅಲ್ವಾ..?

The little hand, clasping my finger, guiding me on my way to fatherhood. Falling in love with someone without seeing is an amazing feeling but now that I do see her, I love her more than ever ❤️ pic.twitter.com/1q1Jnok6YM

— Yash (@TheNameIsYash) December 3, 2018