ರಾಜಸ್ಥಾನದಲ್ಲಿ 6 ಗೂಂಡಾಗಳಿಂದ ವಧುವಿನ ಅಪಹರಣ; ವರನ ಮೇಲೆ ಹಲ್ಲೆ

Team Udayavani, May 7, 2019, 5:46 PM IST

ಉದಯಪುರ : ರಾಜಸ್ಥಾನದಲ್ಲಿ ನಡೆದಿರುವ  ವಧು ಅಪಹರಣದ ಇನ್ನೊಂದು ಆಘಾತಕಾರಿ ಪ್ರಕರಣದಲ್ಲಿ ಇಂದು ಮಂಗಳವಾರ ಕನಿಷ್ಠ ಆರು ಗೂಂಡಾಗಳು ವಧು-ವರ ಇದ್ದ ಕಾರಿಗೆ ತಮ್ಮ ಕಾರನ್ನು ಅಡ್ಡ ಇರಿಸಿ ವರನನ್ನು ಹೊರಗೆಳೆದು ಹೊಡೆದು ಗಾಯಗೊಳಿಸಿ ವಧುವನ್ನು ಅಪಹರಣ ಮಾಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಉದಯಪುರದ ಸವೀನಾ ದಿಂದ ಈ ಘಟನೆ ವರದಿಯಾಗಿದೆ. ನೂತನ ದಂಪತಿ ಕಾರಿನಲ್ಲಿ ವರನ ಮನೆಗೆ ಹೋಗುತ್ತಿದ್ದಾಗ ನಡು ರಸ್ತೆಯಲ್ಲಿ ಗೂಂಡಾಗಳಿಂದ ಈ ದುಷ್ಕೃತ್ಯ ನಡೆದಿದೆ.

ಪೊಲೀಸರು ಎಲ್ಲ ಚೆಕ್‌ ಪಾಯಿಂಟ್‌ಗಳಿಗೆ ಮಾಹಿತಿ ನೀಡಿದ್ದು ಅಪಹರಣಕಾರ ಗೂಂಡಾಗಳನ್ನು ಪತ್ತೆ ಹಚ್ಚಿ ಬಂಧಿಸುವ ಪ್ರಯತ್ನ ಕೈಗೊಂಡಿದ್ದಾರೆ.

ಕೆಲ ತಿಂಗಳ ಹಿಂದೆ ಉದಯಪುರದಿಂದ 400 ಕಿ.ಮೀ. ದೂರದ ಸಿಕಾರ್‌ ನಲ್ಲಿ ವಧುವನ್ನು ಗೂಂಡಾಗಳು ಅಪಹರಿಸಿದ್ದರು.