ಸಿವಾಕೋ! : ಅವತಾರ್ 2 ರಿಲೀಸ್ ಡೇಟ್ ಫಿಕ್ಸ್

Team Udayavani, May 8, 2019, 2:47 PM IST

ಹತ್ತು ವರ್ಷಗಳ ಹಿಂದೆ ಹಾಲಿವುಡ್‍ ಚಿತ್ರವೊಂದು ಜಗತ್ತಿನಾದ್ಯಂತ ಚಿತ್ರಪ್ರೇಮಿಗಳ ಮನಗೆದ್ದಿದ್ದ ವಿಚಾರ ನಿಮಗೆಲ್ಲಾ ತಿಳಿದೇ ಇದೆ. ಅದೇ ಹಾಲಿವುಡ್ ಸ್ಟಾರ್ ನಿರ್ದೇಶಕ ಜೇಮ್ಸ್ ಕೆಮರೂನ್ ಅವರು ನಿರ್ದೇಶಿಸಿದ್ದ ‘ಅವತಾರ್‍’ ಎಂಬ ಚಿತ್ರ.

ಆ ಬಳಿಕ ಅವತಾರ್ ಚಿತ್ರದಲ್ಲಿ ಪಂಡೋರಾ ಗ್ರಹವಾಸಿಗಳ ಗೆಟಪ್, ಅವರು ಬಳಸುತ್ತಿದ್ದ ಸಿವಾಕೋ ಭಾಷೆ, ಇವೆಲ್ಲಾ ಚಿತ್ರಪ್ರೇಮಿಗಳ ನಡುವೆ ಬಹುಸಮಯ ಚರ್ಚೆಯ ವಸ್ತುವಾಗಿತ್ತು.

ಈ ನಡುವೆ ನಿರ್ದೇಶಕ ಜೇಮ್ಸ್ ಕೆಮರೂನ್ ಅವರು ‘ಅವತಾರ್-2’ ಪ್ರಾರಂಭವಾಗುವ ಕುರಿತು ಘೋಷಣೆ ಮಾಡಿದ್ದರು. ಅವತಾರ್‍ ಚಿತ್ರ ಬಿಡುಗಡೆಯಾಗಿ ಇದೀಗ ಹತ್ತು ವರ್ಷಗಳಾಗಿವೆ. ಇತ್ತ ಅವತಾರ್ 2 ಚಿತ್ರೀಕರಣ ಹಂತದಲ್ಲಿದೆ.

ಇದೀಗ ನಿರ್ದೇಶಕ ಜೇಮ್ಸ್ ಕೆಮರೂನ್‍ ಅವರು ಬುಧವಾರದಂದು ಟ್ವೀಟ್ ಒಂದನ್ನು ಮಾಡಿದ್ದು ಅದರಲ್ಲಿ ಅವರು ಬಹುನಿರೀಕ್ಷಿತ ಅವತಾರ್ 2 ಬಿಡುಗಡೆಯ ದಿನಾಂಕವನ್ನು ಘೋಷಿಸಿದ್ದಾರೆ.

Busy on set, so no time to hang around but just dropping in to share the news — Sivako! @OfficialAvatar https://t.co/KpCzxmBPMd

— James Cameron (@JimCameron) May 7, 2019

ಅವರೇ ತಿಳಿಸಿರುವ ಹಾಗೆ ಇನ್ನೆರಡು ವರ್ಷಗಳಲ್ಲಿ ಅವತಾರ್ 2 ಚಿತ್ರ ಪ್ರಪಂಚಾದ್ಯಂತ ತೆರೆ ಕಾಣಲಿದೆ. 2021ನೇ ಇಸವಿ ಡಿಸಂಬರ್ 17ಕ್ಕೆ ಈ ಚಿತ್ರ ಬಿಡುಗಡೆಯಾಗಲಿದೆಯಂತೆ! ಅಲ್ಲಿಗೆ, ಅವತಾರ್ ಎಂಬ ಹೊಸ ಬಗೆಯ ಚಿತ್ರವನ್ನು ನೋಡಿ ಫಿದಾ ಆಗಿದ್ದ ಚಿತ್ರಪ್ರೇಮಿಗಳು ಇದರ ಎರಡನೇ ಭಾಗದಲ್ಲಿ ಇನ್ನೇನು ವಿಶೇಷ ಇದೆ ಎಂದು ತಿಳಿದುಕೊಳ್ಳಲು ಇನ್ನೆರಡು ವರ್ಷವಂತೂ ಕಾಯಲೇಬೇಕು!