![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಆತ್ಮಹತ್ಯಾ ದಾಳಿಗೆ 10 ಮಂದಿ ಸಾವು
Team Udayavani, May 9, 2019, 6:13 AM IST
![14](https://www.udayavani.com/wp-content/uploads/2019/05/14-4-620x412.jpg)
ಲಾಹೋರ್: ಶ್ರೀಲಂಕಾದಲ್ಲಿನ ಸರಣಿ ಸ್ಫೋಟದ ಕಹಿ ನೆನಪು ಇರುವಂತೆಯೇ ಪಾಕಿಸ್ಥಾನದ ಪಂಜಾಬ್ ಪ್ರಾಂತ್ಯದಲ್ಲಿ ಸೂಫಿ ಸಮುದಾಯಕ್ಕೆ ಸೇರಿದ ಧಾರ್ಮಿಕ ಕೇಂದ್ರದ ಮೇಲೆ ಆತ್ಮಹತ್ಯಾ ದಾಳಿ ನಡೆಸಲಾಗಿದೆ. ಈ ದುರ್ಘಟನೆಯಲ್ಲಿ ಐವರು ಪೊಲೀಸ್ ಸಿಬಂದಿ ಸೇರಿ 10 ಮಂದಿ ಅಸುನೀಗಿ, 25 ಮಂದಿ ಗಾಯಗೊಂಡಿದ್ದಾರೆ. ಸ್ಥಳೀಯ ಕಾಲಮಾನ ಬೆಳಗ್ಗೆ 8.45ಕ್ಕೆ ದಾತಾ ದರ್ಬಾರ್ ಎಂಬ ಧಾರ್ಮಿಕ ಕೇಂದ್ರದ ಗೇಟ್ ನಂ.2ರಲ್ಲಿ ಈ ಘಟನೆ ನಡೆದಿದೆ. ಗಾಯಗೊಂಡಿರುವವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಈ ಪೈಕಿ ನಾಲ್ವರು ಪೊಲೀಸರ ಸ್ಥಿತಿ ಗಂಭೀರವಾಗಿದೆ. ಪಂಜಾಬ್ ಪ್ರಾಂತ್ಯದ ಐಜಿಪಿ ಆರಿಫ್ ನವಾಜ್ ಮಾತನಾಡಿ ಆತ್ಮಹತ್ಯಾ ಬಾಂಬರ್ 7 ಕೆಜಿ ಸ್ಫೋಟಕಗಳೊಂದಿಗೆ ಕೃತ್ಯವೆಸಗಿದ್ದಾನೆ. ಆತನ ಗುರಿ ಧಾರ್ಮಿಕ ಕೇಂದ್ರ ಹೊರಗೆ ಭದ್ರತೆಗಾಗಿ ನಿಲ್ಲಿಸಿದ್ದ ಪಡೆಯ ವಾಹನವಾಗಿತ್ತು. ವಾಹನದ ಸಮೀಪಕ್ಕೆ ಬಂದ ಕೂಡಲೇ ತನ್ನನ್ನು ಸ್ಫೋಟಿಸಿಕೊಂಡ. ಪರಿಣಾಮವಾಗಿ ಸ್ಥಳದಲ್ಲಿಯೇ ಐವರು ಸಾವನ್ನಪ್ಪಿದರು. ಐವರು ಗಾಯಗೊಂಡರು ಎಂದಿದ್ದಾರೆ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.