ಹೊಸ ರೀತಿಯ ಮಂಡಲ ಹಾವು ಪತ್ತೆ

Team Udayavani, May 11, 2019, 6:46 AM IST

ಇಟಾನಗರ: ಅರುಣಾಚಲ ಪ್ರದೇಶದ ಪಶ್ಚಿಮ ಕಮೆಂಗ್‌ ಜಿಲ್ಲೆಯಲ್ಲಿ ವಿಶಿಷ್ಟ ವಿಧದ ಮಂಡಲ ಹಾವು ಪತ್ತೆಯಾಗಿದೆ. ಇದೇ ಮೊದಲ ಬಾರಿಗೆ ಈ ವಿಧದ ಹಾವು ಪತ್ತೆಯಾಗಿದೆ ಎಂದು ಅರಣ್ಯ ಇಲಾಖೆಯ ಅಧಿಕಾರಿ ಅಶೋಕ್‌ ಕ್ಯಾಪ್ಟನ್‌ ಹೇಳಿದ್ದಾರೆ. ಈ ಶೋಧದ ಬಗ್ಗೆ ವಿವರವನ್ನು ರಷ್ಯಾದ ನಿಯತಕಾಲಿಕೆಯಲ್ಲಿ ಪ್ರಕಟವಾಗಿದೆ. ಭಾರತದಲ್ಲಿ ಈವರೆಗೆ ನಾಲ್ಕು ವಿಧದ ಮಂಡಲ ಹಾವುಗಳಿದ್ದವು. ಮಲಬಾರ್‌, ಹಪ್ಪಟೆ, ಕುದುರೆಲಾಳ ಮಂಡಲ ಹಾವು ಹಾಗೂ ಹಿಮಾಲಯ ಮಂಡಲ ಹಾವುಗಳಿ ದ್ದವು. ಈಗ ಕೆಂಪು ಕಂದು ಮಂಡಲ ಹಾವು ಕಂಡುಬಂದಿದೆ. ಆದರೆ ಈ ಹಾವಿನ ಇತಿ ಹಾಸ ಹಾಗೂ ಇತರ ವಿವರಗಳು ನಮಗೆ ಕಂಡುಬಂದಿಲ್ಲ. ಯಾಕೆಂದರೆ ಸದ್ಯ ಕೇವಲ ಒಂದು ಗಂಡು ಹಾವು ಕಂಡು ಬಂದಿದ್ದು, ಇದಕ್ಕೆ ಸಂಬಂಧಿಸಿದಂತೆ ಇನ್ನಷ್ಟು ಶೋಧ ನಡೆಯಬೇಕಿದೆ ಎಂದು ಅಶೋಕ್‌ ಕ್ಯಾಪ್ಟನ್‌ ಹೇಳಿದ್ದಾರೆ.