![18](https://www.udayavani.com/wp-content/uploads/2024/09/18-1-415x249.jpg)
ಮಿತ್ರ ಬರ್ತ್ಡೇಗೆ ಸಿನ್ಮಾ ಗಿಫ್ಟ್
ಕೋತಿ ಜೊತೆಗೊಂದು ಭಾವುಕ ಪಯಣ
Team Udayavani, May 13, 2019, 3:00 AM IST
![mitra](https://www.udayavani.com/wp-content/uploads/2019/05/mitra-620x411.jpg)
ನಟ ಮಿತ್ರ ಪೋಷಕ ಪಾತ್ರಗಳಲ್ಲಿ ಬಿಜಿಯಾಗಿರುವ ಜೊತೆಗೆ ಇತ್ತೀಚೆಗಷ್ಟೇ “ಬಿಸಿಲು ಕುದುರೆ’ ಎಂಬ ಚಿತ್ರದಲ್ಲಿ ಲೀಡ್ ಪಾತ್ರ ಮಾಡುತ್ತಿರುವ ಕುರಿತು ಇದೇ “ಬಾಲ್ಕನಿ’ಯಲ್ಲಿ ಹೇಳಲಾಗಿತ್ತು. ಆ ಚಿತ್ರದ ಚಿತ್ರೀಕರಣದ ನಡುವೆಯೇ ಅವರೀಗ ಹೊಸದೊಂದು ಸಿನಿಮಾ ಒಪ್ಪಿಕೊಂಡಿದ್ದಾರೆ.
ಹೌದು, ಮೇ.12 ಅವರ ಹುಟ್ಟುಹಬ್ಬ. ಅವರ 42 ನೇ ಹುಟ್ಟುಹಬ್ಬಕ್ಕೆ ಹೊಸ ಸಿನಿಮಾ ಅನೌನ್ಸ್ ಮಾಡಲಾಗಿದೆ. ಆ ಚಿತ್ರಕ್ಕಿನ್ನೂ ನಾಮಕರಣ ಮಾಡಿಲ್ಲ. ಈ ಹಿಂದೆ “ಗಿರ್ಗಿಟ್ಲೆ’ ಚಿತ್ರ ನಿರ್ದೇಶಿಸಿದ್ದ ರವಿಕಿರಣ್, ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ.
ಇನ್ನು, “ಗಿರ್ಗಿಟ್ಲೆ’ ಚಿತ್ರ ನಿರ್ಮಿಸಿದ್ದ ಗಿರೀಶ್ ಮತ್ತು ವೆಂಕಟೇಶ್ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಇದೊಂದು ಕಮಷಿರ್ಯಲ್ ಫ್ಯಾಂಟಸಿ ಸಿನಿಮಾ ಎನ್ನುವ ನಿರ್ದೇಶಕರು, ರೆಗ್ಯುಲರ್ ಪ್ಯಾಟ್ರನ್ ಹೊರತಾಗಿರುವ ಚಿತ್ರ ಇದಾಗಿದೆ.
ಮರ್ಡರ್ ಮಿಸ್ಟ್ರಿಯೊಂದಿಗೆ ಕಾಮಿಡಿ ಫ್ಲೇವರ್ನಲ್ಲಿ ಸಿನಿಮಾ ಸಾಗಲಿದೆ. ಚಿತ್ರದಲ್ಲಿ ಮಿತ್ರ ಜೊತೆಗೆ ಕೋತಿ ಕೂಡ ಪ್ರಮುಖ ಪಾತ್ರ ವಹಿಸಲಿದೆ. ಆ ಕೋತಿ ಮಿತ್ರ ಅವರ ಲೈಫ್ಗೆ ಎಂಟ್ರಿಕೊಟ್ಟ ಬಳಿಕ ಅವರ ಬದುಕಿನಲ್ಲೊಂದು ತಿರುವು ಸಿಗುತ್ತದೆ. ಅದೇ ಸಿನಿಮಾದ ಹೈಲೈಟ್’ ಎನ್ನುತ್ತಾರೆ ನಿರ್ದೇಶಕರು.
ಈಗಾಗಲೇ ಫೋಟೋ ಶೂಟ್ ನಡೆಸಿರುವ ನಿರ್ದೇಶಕರು, ಚಿತ್ರೀಕರಣಕ್ಕೆ ತಯಾರಿ ನಡೆಸುತ್ತಿದ್ದಾರೆ. ಜೂನ್ ಅಂತ್ಯ ಅಥವಾ ಜುಲೈನಲ್ಲಿ ಹೊಸ ಚಿತ್ರಕ್ಕೆ ಚಾಲನೆ ಸಿಗಲಿದೆ. ಸತೀಶ್ ಬಾಬು ಅವರು ನಾಲ್ಕು ಹಾಡುಗಳಿಗೆ ಸಂಗೀತ ನೀಡಿದರೆ, ಅರುಣ್ ಸುರೇಶ್ ಅವರು ಛಾಯಾಗ್ರಹಣ ಮಾಡುತ್ತಿದ್ದಾರೆ.
ಟಾಪ್ ನ್ಯೂಸ್
![18](https://www.udayavani.com/wp-content/uploads/2024/09/18-1-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.