ಧರ್ಮದಿಂದ ಬದುಕಿಗೆ ಒಂದು ಅರ್ಥ: ಮಹಾವೀರ

Team Udayavani, May 19, 2019, 6:20 AM IST

ಕಾರ್ಕಳ: ವಿದ್ಯೆ ಬದುಕಿಗೆ ಅನ್ನವನ್ನು ಕೊಟ್ಟರೆ, ಧರ್ಮವು ಬದುಕಿಗೆ ಅರ್ಥವನ್ನು ಕೊಡುತ್ತದೆ. ಶಿಕ್ಷಣ ಕೇವಲ ಮಾರ್ಕ್‌ ಪಡೆಯುವುದಕ್ಕೆ ಸೀಮಿತಗೊಳ್ಳದೆ ರಿಮಾರ್ಕ್‌ ಇಲ್ಲದೆ ಬದುಕುವುದನ್ನು ಕಲಿಸಿ ಕೊಡಬೇಕೆಂದು ಎಸ್‌.ಡಿ.ಎಂ. ಕಾಲೇಜಿನ ಕನ್ನಡ ಉಪನ್ಯಾಸಕ ಮಹಾವೀರ ಜೈನ್‌ ಇಚಿಲಂಪಾಡಿ ಅಭಿಪ್ರಾಯಪಟ್ಟರು.

ಜೈನ್‌ ಮಿಲನ್‌ ಮತ್ತು ಯುವ ಜೈನ್‌ ಮಿಲನ್‌ ವತಿಯಿಂದ ಬಜಗೋಳಿಯಲ್ಲಿ ನಡೆದ ಮಾಸಿಕ ಸಭೆಯಲ್ಲಿ ಅವರು ಧಾರ್ಮಿಕ ಉಪನ್ಯಾಸ ನೀಡಿದರು.

ಬದುಕಿನಲ್ಲಿ ಸಂಸ್ಕಾರವೆಂಬುದು ಮನುಷ್ಯ ನನ್ನು ಉನ್ನತಮಟ್ಟಕ್ಕೆ ಕೊಂಡೊಯ್ಯುವುದು. ಪ್ರತಿಯೊಂದು ಜೀವಿಯು ತನ್ನದೇ ಮೂಲ ಧರ್ಮ ವೊಂದನ್ನು ಹೊಂದಿದೆ. ಧರ್ಮವೆನ್ನುವುದು ಯಾವುದೇ ಪಂಗಡಕ್ಕೆ ಸೀಮಿತವಾದದ್ದಲ್ಲ ಎಂದರು. ಜೈನ್‌ ಮಿಲನ್‌ ಅಧ್ಯಕ್ಷ ಮುಡಾರು ಭರತರಾಜ್‌ ಜೈನ್‌ ಅಧ್ಯಕ್ಷತೆ ವಹಿಸಿದ್ದರು.

ಮೂಡುಬಿದಿರೆ ಆಳ್ವಾಸ್‌ ಹೆಲ್ತ್‌ ಸೆಂಟರ್‌ನ ಡಾ| ಮಹಾವೀರ ಜೈನ್‌, ಯುವ ಜೈನ್‌ ಮಿಲನ್‌ ಅಧ್ಯಕ್ಷ ಸುರೇಶ ಜೈನ್‌ ಉಪಸ್ಥಿತರಿದ್ದರು. ಶ್ರೀವರ್ಮ ಅಜ್ರಿ ಸ್ವಾಗತಿಸಿ, ಶ್ರೇಯಾನ್‌ ಜೈನ್‌ ಕಾರ್ಯಕ್ರಮ ನಿರೂಪಿಸಿದರು. ವಿರಾಜ್‌ ಜೈನ್‌ ವಂದಿಸಿದರು.