ಮನೆ ನಿವೇಶನ ಮಂಜೂರು ಮಾಡಲು ಡಿಸಿಗೆ ಮನವಿ

Team Udayavani, Jun 2, 2019, 12:07 PM IST

ಮಹಾನಗರ: ನಗರದ ಬೋಳೂರು ಪರಪು ಎಂಬಲ್ಲಿ ಸರಕಾರಿ ಜಾಗದಲ್ಲಿ 20 ವರ್ಷಗಳಿಂದ ಗುಡಿಸಲು ಕಟ್ಟಿ ವಾಸವಾಗಿರುವ ಪರಿಶಿಷ್ಟ ಜಾತಿಯ ರವೀಂದ್ರ ಅವರಿಗೆ ಮನೆ ನಿವೇಶನ ಮಂಜೂರು ಮಾಡಬೇಕೆಂದು ಕರ್ನಾಟಕ ದಲಿತ ಸಂಘರ್ಷ ಸಮಿತಿ (ಪನಿವರ್ತನವಾದ)ಯ ಜಿಲ್ಲಾ ಘಟಕ ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಿದೆ.

ರವೀಂದ್ರ ಅವರು ವಾಸವಾಗಿರುವ ಜಾಗವು ಬಂದರು ಇಲಾಖೆಗೆ ಸೇರಿದ್ದು, ಇಲಾಖೆಯು ಮನೆ ಕಟ್ಟಿಸಲು ಪರ ವಾನಿಗೆ ನೀಡುವಲ್ಲಿ ಸತಾಯಿಸುತ್ತಿದೆ. ಹಾಗಾಗಿ ಪಾಲಿಕೆಯಿಂದ ಮನೆ ನಂಬ್ರ ನೀಡಲಾಗುತ್ತಿಲ್ಲ.

ಇದರಿಂದ ಈ ಕುಟುಂಬ ಮೂಲ ಸೌಕರ್ಯಗಳಿಂದ ವಂಚಿತವಾಗಿದೆ. ಕೂಲಿ ಮಾಡಿ ಜೀವನ ಸಾಗಿಸುವ ಕುಟುಂಬ ಸಂಕಷ್ಟದಲ್ಲಿದೆ ಎಂದು ದಸಂಸ ಜಿಲ್ಲಾ ಸಂಚಾಲಕ ಸುಧಾಕರ ಬಿ.ಎಸ್‌. ಜಿಲ್ಲಾಧಿಕಾರಿಗೆ ಸಲ್ಲಿಸಿದ ಮನವಿಯಲ್ಲಿ ತಿಳಿಸಿದ್ದಾರೆ.