ಪರಿಸರ ಉಳಿಸಿ, ಬೆಳೆಸುವುದು ಪ್ರತಿಯೊಬ್ಬರ ಕರ್ತವ್ಯ: ಚಂದನ್‌

Team Udayavani, Jun 6, 2019, 6:00 AM IST

ಕೊಡಿಯಾಲಬೈಲ್‌: ವಾಯು ಮಾಲಿನ್ಯದಿಂದಾಗಿ ಪರಿಸರ ನಾಶವಾಗುತ್ತಿದೆ. ಪರಿಸರ ಉಳಿಸಿ ಬೆಳೆಸುವುದು ಪ್ರತಿಯೊಬ್ಬರ ಕರ್ತವ್ಯ ವಾಗಿದೆ ಎಂದು ದಕ್ಷಿಣ ಕನ್ನಡ ಜಿಲ್ಲಾ ಕಾರಾಗೃಹದ ಅಧೀಕ್ಷಕ ಚಂದನ್‌ ಪಾಟೀಲ್‌ ಹೇಳಿದರು.

ಮಂಗಳೂರಿನ ಐಸಿರಿ ಹೆಲ್ತ್‌ ಇಂಡಿಯಾ ಮಿಶನ್‌ ವತಿಯಿಂದ ಜಿಲ್ಲಾ ಕಾರಾಗೃಹದಲ್ಲಿ ಬುಧವಾರ ನಡೆದ ವಿಶ್ವ ಪರಿಸರ ದಿನಾಚರಣೆಯಲ್ಲಿ ಅವರು ಮಾತನಾಡಿದರು.
ಪರಿಸರ ದಿನಾಚರಣೆ ಅಂಗವಾಗಿ ಜೈಲ್‌ ಆವರಣದಲ್ಲಿ ವಿವಿಧ ಹೂವಿನ ಹಾಗೂ ಅಲಂಕಾರಿಕ ಗಿಡಗಳನ್ನು ನೆಡಲಾಯಿತು. ದ.ಕ. ಜಿಲ್ಲಾ ಕಾರ್ಯ ನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಶ್ರೀನಿವಾಸ್‌ ನಾಯಕ್‌ ಇಂದಾಜೆ, ಕಾರ್ಯಕಾರಿ ಸಮಿತಿ ಸದಸ್ಯ ಭಾಸ್ಕರ್‌ ರೈ, ಐಸಿರಿ ಹೆಲ್ತ್‌ ಇಂಡಿಯಾ ಮಿಶನ್‌ ನಿರ್ದೇಶಕ ದರ್ಶನ ಜೈನ್‌, ದಿಶಿತ್‌ ಶೆಟ್ಟಿ, ಗಣೇಶ್‌ ನಾಯಕ್‌ ಮೂಲ್ಕಿ, ಸಿಎಚ್‌ಡಿ ಸಂಸ್ಥೆಯ ದಿವ್ಯಾ ಕಾಮತ್‌ ಸಹಿತ ಮೊದ ಲಾದವರು ಈ ಸಂದರ್ಭ ಉಪಸ್ಥಿತರಿದ್ದರು.