ಯುನಿಸೆಫ್ ವೀಡಿಯೋದಲ್ಲಿ ವಿರಾಟ್‌ ಕೊಹ್ಲಿ

Team Udayavani, Jun 6, 2019, 6:00 AM IST

ಲಂಡನ್‌ : ವಿಶ್ವಕಪ್‌ ಕ್ರಿಕೆಟ್‌ ಕೂಟದ ಮೂಲಕ ನಿಧಿ ಸಂಗ್ರಹಕ್ಕೆ ಯತ್ನಿಸುತ್ತಿರುವ ಯುನಿಸೆಫ್ ನ ಒಂದು ವೀಡಿಯೋದಲ್ಲಿ ಟೀಮ್‌ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ಕಾಣಿಸಿಕೊಂಡಿದ್ದಾರೆ.

ಐಸಿಸಿ ತನ್ನ ಅಧಿಕೃತ ಟ್ವೀಟ್‌ ಖಾತೆಯಲ್ಲಿ ಹಂಚಿಕೊಂಡ ಈ ವೀಡಿಯೋದಲ್ಲಿ “ಯುನಿಸೆಫ್ ಮತ್ತು ಕ್ರಿಕೆಟ್‌ ವಿಶ್ವಕಪ್‌ ಪಂದ್ಯಾವಳಿ ಮಕ್ಕಳಿಗೆ ಕಲಿಯಲು, ಆಡಲು ಮತ್ತು ಆರೋಗ್ಯವಂತಾಗಿರಲು ನೆರವಾಗುತ್ತಿದೆ.

ಕ್ರಿಕೆಟ್‌ನ ಜನಪ್ರಿಯತೆಯನ್ನು ಬಳಸಿಕೊಂಡು ಯುನಿಸೆಫ್ ನಿಧಿ ಸಂಗ್ರಹ ಮಾಡುತ್ತಿದೆ. ಲಕ್ಷಗಟ್ಟಲೆ ಮಕ್ಕಳ ಬಾಳು ಬೆಳಗಲು, ಅವರಲ್ಲಿ ಸ್ಫೂರ್ತಿ ತುಂಬಲು ಹಾಗೂ ಅವರನ್ನು ಸಶಕ್ತರನ್ನಾಗಿಸಲು ಈ ಹಣವನ್ನು ಉಪಯೋಗಿಸುತ್ತಿದೆ. ಯುನಿಸೆ‌ಫ್ ಜೊತೆಗೆ ಕೈಜೋಡಿಸಿ’ ಎಂದು ಕೊಹ್ಲಿ ಮನವಿ ಮಾಡಿದ್ದಾರೆ.