ಕುಂದಾಪುರ: ಮೂರು ಶಾಲೆಗಳಲ್ಲಿ ಶೂನ್ಯ ದಾಖಲಾತಿ

Team Udayavani, Jun 16, 2019, 5:05 AM IST

ಕುಂದಾಪುರ: ವಿದ್ಯಾರ್ಥಿಗಳ ಕೊರತೆ, ಆಂಗ್ಲ ಮಾಧ್ಯಮ ಕಲಿಕೆಯ ವ್ಯಾಮೋಹದಿಂದಾಗಿ ಕುಂದಾಪುರ ವಲಯದ ಮೂರು ಶಾಲೆಗಳಿಗೆ ತಾತ್ಕಾಲಿಕ ಬೀಗ ಹಾಕಬೇಕಾದ ಪರಿಸ್ಥಿತಿ ಬಂದಿದೆ.

ಎಲ್ಲ ಸೌಕರ್ಯಗಳಿದ್ದರೂ ಚೋರಾಡಿ, ಯಡಾಡಿ ಮತ್ಯಾಡಿ -2, ಮುಡುವಳ್ಳಿಯ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆಗಳಿಗೆ ಶೂನ್ಯ ದಾಖಲಾತಿಯಾದ ಕಾರಣ ಬೀಗ ಬಿದ್ದಿದೆ. ಶಾಲೆ ಶುರುವಾದ ಬಳಿಕ ಜೂ. 10ರ ತನಕವೂ ಮಕ್ಕಳ ದಾಖಲಾತಿಗೆ ಕಾಯಲಾಗಿತ್ತು. ಆದರೆ ಹೊಸ ಮಕ್ಕಳು ಬರುವ ಬದಲು, ಇರುವ ಮಕ್ಕಳೂ ಬೇರೆ ಶಾಲೆಗೆ ಸೇರಿದ ಕಾರಣ, ಯಾವುದೇ ಹೊಸ ದಾಖಲಾತಿ ನಡೆಯದೇ ಜೂ. 12ರಿಂದ ಶಾಲೆಯನ್ನು ತಾತ್ಕಾಲಿಕವಾಗಿ ಮುಚ್ಚಲಾಗಿದೆ. ಅಲ್ಲಿದ್ದ ಶಿಕ್ಷಕರನ್ನು ಸಮೀಪದ ಶಿಕ್ಷಕರು ಅಗತ್ಯವಿರುವ ಶಾಲೆಗೆ ನಿಯೋಜಿಸಲಾಗಿದೆ.