ಒಂದೇ ದಿನ 43 ಸಾವಿರ ರೂ.ದಂಡ ವಸೂಲಿ

Team Udayavani, Jun 24, 2019, 11:11 AM IST

ಚನ್ನರಾಯಪಟ್ಟಣದಲ್ಲಿ ವಾಹನಗಳನ್ನು ತಪಾಸಣೆ ನಡೆಸಿ ಅಗತ್ಯ ದಾಖಲೆ ಹೊಂದಿಲ್ಲದ ವಾಹನಗಳಿಗೆ ಸಂಚಾರ ಠಾಣೆಯ ಪಿಎಸ್‌ಐ ಎನ್‌.ಎಂ.ಭವಿತಾ ನಿಯಮ ಉಲ್ಲಂಘಿಸಿದವರಿಂದ ದಂಡ ವಸೂಲಿ ಮಾಡಿದರು.

ಚನ್ನರಾಯಪಟ್ಟಣ: ಪಟ್ಟಣದಲ್ಲಿ ವಿವಿಧೆಡೆ ಸಂಚಾರ ಠಾಣೆ ಪೊಲೀಸರು ವಾಹನಗಳನ್ನು ತಪಾಸಣೆ ಮಾಡಿದ್ದು ಒಂದೇ ದಿನ ಸುಮಾರು 43 ಸಾವಿರ ರೂ. ದಂಡ ವಸೂಲಿ ಮಾಡಿದ್ದಾರೆ.ಪಟ್ಟಣದ ನವೋದಯ ವೃತ್ತ, ಷ್ಣರಾಜೇಂದ್ರ ಒಡೆಯರ್‌ ವೃತ್ತ, ಮೈಸೂರು ರಸ್ತೆ, ಪಿರಂಗಿಮಠದ ವೃತ್ತ ಹಾಗೂ ಹಾಸನ ರಸ್ತೆಯಲ್ಲಿ ಸಂಚಾರ ಮಾಡುತ್ತಿದ್ದ ವಾಹನಗಳನ್ನು ತಡೆದು ತಪಾಸಣೆ ಮಾಡಿದಾಗಿ ಸುಮಾರು 73 ವಾಹನಗಳಿಂದ ದಂಡ ವಸೂಲಿ ಮಾಡಲಾಗಿದೆ. ಕೆಲ ವಾಹನಗಳ ವಿಮೆ ಮುಕ್ತಾಯವಾಗಿದ್ದರೆ ಹಲವು ವಾಹನ ಸವಾರರು ತಮ್ಮ ವಾಹನ ದಾಖಲಾತಿಯನ್ನು ಮನೆಯಲ್ಲಿ ಇಟ್ಟಿರುವುದಾಗಿ ತಿಳಿಸಿದರು. ವಾಯುಮಾಲಿನ್ಯ ಪ್ರಮಾಣ ಪತ್ರ ಹಾಗೂ 21 ವಾಹನಗಳ ಚಾಲಕರು ದೈಹಿಕ ಸಾಮರ್ಥ್ಯ ಪ್ರಮಾಣ ಪತ್ರವನ್ನು ಹೊಂದಿರಲಿಲ್ಲ. ಹೀಗಾಗಿ ಸಂಚಾರ ಠಾಣೆ ಪಿಎಸ್‌ಐ ಎನ್‌.ಎಂ.ಭವಿತಾ, ರಸ್ತೆ ಸಾರಿಗೆ ಅಧಿಕಾರಿ ಶ್ರೀನಿವಾಸಮೂರ್ತಿ 43.900 ರೂ. ದಂಡ ವಸೂಲಿ ಮಾಡಿದರು.