ಬಾಲಿವುಡ್ ನ ದಿಶಾ ಪಟಾನಿ, ಟೈಗರ್ ಶ್ರಾಫ್ ಲವ್ ಬ್ರೇಕ್ ಅಪ್!

Team Udayavani, Jun 24, 2019, 4:26 PM IST

ಮುಂಬೈ: ಬಾಲಿವುಡ್ ಸೇರಿದಂತೆ ಸಿನಿಮಾ ಜಗತ್ತಿನಲ್ಲಿ ಊಹಾಪೋಹಗಳು ಹರಿದಾಡುತ್ತಲೇ ಇರುತ್ತದೆ. ಬಾಲಿವುಡ್ ನಟಿ ದಿಶಾ ಪಟಾನಿ ಮತ್ತು ಟೈಗರ್ ಶ್ರಾಫ್ ದೀರ್ಘ ಸಮಯದಿಂದ ಇಬ್ಬರು ಪ್ರೇಮಿಸುತ್ತಿರುವ ಸುದ್ದಿ ಹರಿದಾಡುತ್ತಿತ್ತು. ಆದರೆ ಇಬ್ಬರೂ ಅದನ್ನು ಖಚಿತಪಡಿಸಿಲ್ಲವಾಗಿತ್ತು!

ಆದರೆ ಹೊಸ ಸುದ್ದಿ ಪ್ರಕಾರ, ಕಳೆದ ಮೂರು ವರ್ಷಗಳಿಂದ ಪ್ರೇಮಿಸುತ್ತಿದ್ದ ಈ ಜೋಡಿ ಇದೀಗ ಅಧಿಕೃತವಾಗಿ ಬ್ರೇಕ್ ಅಪ್ ಆಗಿದ್ದಾರಂತೆ! ನೀವು ಕೇಳಿರುವ ಸುದ್ದಿ ಸತ್ಯ..ಟೈಗರ್ ಮತ್ತು ದಿಶಾ ನಡುವಿನ ಪ್ರೇಮ ಸಂಬಂಧ ಕಳೆದ ಕೆಲವು ವಾರಗಳಿಂದ ಬಿಕ್ಕಟ್ಟಿಗೆ ಕಾರಣವಾಗಿತ್ತು. ಹೀಗಾಗಿ ಇಬ್ಬರೂ ಪರಸ್ಪರ ಸಮ್ಮತಿಯ ಮೇರೆಗೆ ದೂರಾಗಿದ್ದಾರೆ ಎಂದು ಬಿಟೌನ್ ಮೂಲಗಳು ತಿಳಿಸಿವೆ.

ದಿಶಾ ಪಟಾನಿ ಹೆಸರು ಇತ್ತೀಚೆಗೆ ಆದಿತ್ಯ ಠಾಕ್ರೆ ಜೊತೆ ತಳುಕು ಹಾಕಿಕೊಂಡಿತ್ತು. ಆದರೆ ಟೈಗರ್ ಶ್ರಾಫ್ ಜೊತೆಗಿನ ಸಂಬಂಧ ಕಡಿದುಕೊಳ್ಳಲು ಇದು ಕಾರಣವಲ್ಲ ಎಂದು ಹೇಳಲಾಗುತ್ತಿದೆ. ಇಬ್ಬರು ನಡುವಿನ ಭಿನ್ನಾಭಿಪ್ರಾಯ ತಿಳಿದುಕೊಳ್ಳಲು ತುಂಬಾ ಸಮಯ ತೆಗೆದುಕೊಂಡಿದ್ದು, ಇದೀಗ ಅವರಿಗೆ ತಮ್ಮ ಅಭಿರುಚಿಯ ಅರಿವಾಗಿದೆ. ಹೀಗಾಗಿ ಪ್ರೇಮಿಗಳಾಗಿ ಇರುವುದಕ್ಕಿಂತ ಸ್ನೇಹಿತರಾಗಿ ಇರುವುದು ಒಳ್ಳೆಯದು ಎಂದು ತಿಳಿದುಕೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.