ಕೆಂಗೇರಿಮಡ್ಡಿಗೆ ಟ್ಯಾಂಕರ್‌ ಮೂಲಕ ನೀರು ಪೂರೈಕೆ

Team Udayavani, Jun 29, 2019, 12:18 PM IST

ಮಹಾಲಿಂಗಪುರ: 14ನೇ ವಾರ್ಡಿನ ಕೆಂಗೇರಿಮಡ್ಡಿಗೆ ಟ್ಯಾಂಕರ್‌ ಮೂಲಕ ಕುಡಿಯುವ ನೀರು ಪೂರೈಕೆ.

ಮಹಾಲಿಂಗಪುರ: ಪಟ್ಟಣದ 14ನೇ ವಾರ್ಡಿನ ಕೆಂಗೇರಿಮಡ್ಡಿಯಲ್ಲಿ ಕುಡಿಯುವ ನೀರಿನ ಸಮಸ್ಯೆಗೆ ಪುರಸಭೆ ಅಧಿಕಾರಿಗಳು ಸ್ಪಂದಿಸಿದ್ದಾರೆ. ಶುಕ್ರವಾರದಿಂದ ನಿತ್ಯ ನಾಲ್ಕು ಟ್ಯಾಂಕರ್‌ ಮೂಲಕ ನೀರು ಸರಬರಾಜು ಮಾಡುತ್ತಿದ್ದಾರೆ. 14ನೇ ವಾರ್ಡಿನ ಸಾರ್ವಜನಿಕರು ಜೂನ 26ರಂದು ಖಾಲಿ ಕೊಡಗಳೊಂದಿಗೆ ಪುರಸಭೆಗೆ ಮುತ್ತಿಗೆ ಹಾಕಿ, ಪ್ರತಿಭಟಿಸಿ ಮನವಿ ಸಲ್ಲಿಸಿ ಕುಡಿಯುವ ನೀರು ಪೂರೈಕೆಗೆ ಒತ್ತಾಯಿಸಿದ್ದರು. ಶುಕ್ರವಾರ 14ನೇ ವಾರ್ಡಿಗೆ ಟ್ಯಾಂಕರ್‌ ಮೂಲಕ ನೀರು ಪೂರೈಕೆ ಪ್ರಾರಂಭಿಸಿದ ನಂತರ ಪುರಸಭೆಯ ಮುಖ್ಯಾಧಿಕಾರಿ ಎ.ಬಿ.ಕಲಾಲ ಮತ್ತು ಕಂದಾಯ ಅಧಿಕಾರಿ ಆರ್‌.ಎಸ್‌.ಚವ್ಹಾನ ಅವರು ಮಾತನಾಡಿ ಕೊಳವೆ ಬಾಂವಿಗೆ ನೀರಿನ ಅಭಾವದ ಹಿನ್ನೆಲೆ ಕುಡಿಯುವ ನೀರಿನ ಸಮಸ್ಯೆಯಾಗಿದೆ. ಆದ ಕಾರಣ ತಾತ್ಕಾಲಿಕ ಪರಿಹಾರವಾಗಿ ಪುರಸಭೆಯಿಂದ ನಿತ್ಯ ಟ್ಯಾಂಕರ್‌ ಮೂಲಕ ನೀರು ಪೂರೈಸುತ್ತೇವೆ. ಸಾರ್ವಜನಿಕರು ಗದ್ದಲ ಮಾಡದೇ ಪ್ರತಿಯೊಬ್ಬರು ನೀರನ್ನು ತುಂಬಿಕೊಳ್ಳಬೇಕು ಎಂದು ಸಾರ್ವಜನಿಕರಲ್ಲಿ ಮನವಿ ಮಾಡಿದರು.