ಕೇಂದ್ರ ಸಚಿವ ಬಾಬುಲ್‌ ಸುಪ್ರಿಯೊ ಕೋತಿ ಎಂದ ಟಿಎಂಸಿ ನಾಯಕ

Team Udayavani, Jul 6, 2019, 2:54 PM IST

ಅಸನ್ಸೊಲ್‌: ಇಲ್ಲಿ ಬಿಜೆಪಿ ಮತ್ತು ಟಿಎಂಸಿ ಕಾರ್ಯಕರ್ತರ ನಡುವೆ ಘರ್ಷಣೆ ಮುಂದುವರಿದಿದ್ದು, ಶನಿವಾರವೂ ಮಾರಾಮಾರಿ ನಡೆದಿದೆ.

ಅಸನ್‌ಸೊಲ್‌ ನ ಮಹಾನಗರಪಾಲಿಕೆ ಎದುರು ಬಿಜೆಪಿ ಕಾರ್ಯಕರ್ತರು ಮತ್ತು ಟಿಎಂಸಿ ಕಾರ್ಯಕರ್ತರ ನಡೆವೆ ಘರ್ಷಣೆ ನಡೆದಿದ್ದು, ಪೊಲೀಸರು ಲಾಠಿ ಚಾರ್ಜ್‌ ನಡೆಸಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದಿದ್ದಾರೆ.

ಬಬುಲ್‌ ಸುಪ್ರಿಯೋ ಕೋತಿ ; ಪಂಜರ ನಮ್ಮ ಬಳಿ ಇದೆ
ಘಟನೆ ಬಳಿಕ ಪ್ರತಿಕ್ರಿಯೆ ನೀಡಿರುವ ಅಸನ್‌ಸೊಲ್‌ ಮೇಯರ್‌ ಮತ್ತು ಟಿಎಂಸಿ ನಾಯಕ ಜೆ ತಿವಾರಿ ಅವರ , ಬಿಜೆಪಿಯವರು ನಮ್ಮ ಮೇಲೆ ದಾಳಿ ನಡೆಸಲು ಮುಂದಾದರು, ಆದರೆ ಅವರಿಗೆ ಪಾಲಿಕೆಯ ಗೇಟ್‌ ಮುಟ್ಟಲೂ ಸಾಧ್ಯವಾಗಲಿಲ್ಲ.  ಬಾಬುಲ್‌ ಸುಪ್ರಿಯೊ ಬಿಜೆಪಿಯ ಕೋತಿ. ನಮ್ಮಲ್ಲಿ ಆ ಕೋತಿಯನ್ನು ಹಿಡಿದು ಹಾಕಲು ಪಂಜರ ಸಿದ್ದವಾಗಿದೆ. ಅಂತಹ ಕೋತಿಗಳನ್ನು ಹಿಡಿದು ಪಂಜರದಲ್ಲಿಡುವ ಶಕ್ತಿ ನಮ್ಮಲ್ಲಿದೆ ಎಂದು ಹೇಳಿದ್ದಾರೆ.

ಅಸನ್ಸೊಲ್‌ ಕ್ಷೇತ್ರದ ಬಿಜೆಪಿ ಸಂಸದರಾಗಿರುವ ಬಾಬುಲ್‌ ಅವರು ಕೇಂದ್ರ ದ ರಾಜ್ಯ ಖಾತೆ ಸಚಿವರಾಗಿದ್ದು, ಪರಿಸರ,ಅರಣ್ಯ ಮತ್ತು ಹವಾಮಾನ ಬದಲಾವಣೆ ಖಾತೆ ನಿರ್ವಹಿಸುತ್ತಿದ್ದಾರೆ.