ಸಂಪೂರ್ಣ ಹದಗೆಟ್ಟ ಕುಕ್ಕುಜೆ -ಮೂಡಬೆಟ್ಟು ರಸ್ತೆ

Team Udayavani, Jul 7, 2019, 5:58 AM IST

ಅಜೆಕಾರು: ಕಡ್ತಲ ಗ್ರಾ. ಪಂ. ವ್ಯಾಪ್ತಿಯ ದೊಂಡೇರಂಗಡಿ ಪೇಟೆಯಿಂದ ಮೂಡಬೆಟ್ಟು ಸಂಪರ್ಕಿಸುವ ಕುಕ್ಕುಜೆ ರಸ್ತೆ ಸಂಪೂರ್ಣ ಹೊಂಡ ಗುಂಡಿಗಳಿಂದ ಆವೃತವಾಗಿ ಕೆಸರುಮಯ ವಾಗಿದ್ದು ಸಂಚಾರ ನಡೆಸುವುದೇ ದುಸ್ತರವಾಗಿದೆ.

ದೊಂಡೇರಂಗಡಿ ಪೇಟೆಯಿಂದ – ಮೂಡ ಬೆಟ್ಟುವರೆಗೆ ದಶಕಗಳ ಹಿಂದೆ ಡಾಮಾರು ಹಾಕಲಾಗಿದ್ದು ಅನಂತರ ಸೂಕ್ತ ನಿರ್ವಹಣೆ ಕೊರತೆಯಿಂದಾಗಿ ರಸ್ತೆ ಸಂಪೂರ್ಣ ಹದಗೆಟ್ಟು ವಾಹನ ಸವಾರರು ಸಂಕಷ್ಟಪಡುವಂತಾಗಿದೆ.

ಹೊಂಡಗುಂಡಿ

ಸುಮಾರು 5 ಕಿ.ಮೀ. ಉದ್ದದ ರಸ್ತೆ ಇದಾಗಿದ್ದು ದೊಂಡೇರಂಗಡಿ ಪೇಟೆಯಿಂದ ಹಡ್ಜೆ ತೋಡುವರೆಗಿನ 2 ಕಿ.ಮೀ.ಯಷ್ಟು ರಸ್ತೆ ಸಂಪೂರ್ಣ ಹೊಂಡ ಗುಂಡಿಗಳಿಂದ ಆವೃತಗೊಂಡಿತ್ತು. ಕಳೆದ ಮಾರ್ಚ್‌ ತಿಂಗಳಿನಲ್ಲಿ ಕುಕ್ಕುಜೆ ಕಾಲೇಜುವರೆಗೆ ಸುಮಾರು 1 ಕಿ.ಮೀ.ಯಷ್ಟು ಭಾಗಕ್ಕೆ ತೇಪೆ ಕಾರ್ಯ ನಡೆಸಲಾಗಿತ್ತಾದರೂ ಈಗ ಮತ್ತೆ ಹೊಂಡ ಗುಂಡಿಗಳು ನಿರ್ಮಾಣವಾಗಿವೆ.

ಈ ರಸ್ತೆಯ ಹಡ್ಜೆ ತೋಡು ಎಂಬಲ್ಲಿ ಕೆಲ ವರ್ಷಗಳ ಹಿಂದೆ ಮೋರಿ ನಿರ್ಮಾಣವಾಗಿದ್ದು ಆ ಪ್ರದೇಶದಲ್ಲಿ ಡಾಮರುಗೊಳ್ಳದೆ ಇರುವುದರಿಂದ ರಸ್ತೆ ಕೆಸರಿನಿಂದ ಕೂಡಿದ್ದು ಸಂಪೂರ್ಣ ರಸ್ತೆ ಡಾಮಾರು ಎದ್ದು ಜಲ್ಲಿಕಲ್ಲುಗಳಿಂದ ಆವೃತವಾಗಿವೆ.

ಪ್ರಮುಖ ರಸ್ತೆ

ಈ ರಸ್ತೆ ಮೂಡಬೆಟ್ಟು, ಹಾಲಕ್ಕಿ, ಶೀರೂರು ಪ್ರದೇಶಗಳಿಗೆ ಸಂಪರ್ಕ ಕಲ್ಪಿಸುವ ಪ್ರಮುಖ ರಸ್ತೆಯಾಗಿದ್ದು ಪ್ರತೀನಿತ್ಯ ಕುಕ್ಕುಜೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಕುಕ್ಕುಜೆ ಸರಕಾರಿ ಪ್ರೌಢ ಶಾಲೆ, ಮೂಡಬೆಟ್ಟು ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ, ಕುಕ್ಕುಜೆ ಸ.ಪ.ಪೂ ಕಾಲೇಜಿಗೆ ತೆರಳುವ ವಿದ್ಯಾರ್ಥಿಗಳು ಸಂಚರಿಸುತ್ತಿದ್ದು ಕಾಲ್ನಡಿಗೆಯಲ್ಲಿ ತೆರಳುವುದೂ ಕಷ್ಟಸಾಧ್ಯವಾಗಿದೆ.

ಹಲವು ವರ್ಷಗಳಿಂದ ರಸ್ತೆ ದುರಸ್ತಿಪಡಿಸುವಂತೆ ಇಲಾಖಾಧಿಕಾರಿಗಳಿಗೆ, ಜನಪ್ರತಿನಿಧಿಗಳಿಗೆ ಮನವಿ ಮಾಡಿದರೂ ರಸ್ತೆ ಅಭಿವೃದ್ಧಿಗೊಳ್ಳದೆ ಪ್ರತೀ ವರ್ಷ ಮಳೆಗಾಲದಲ್ಲಿ ಸಂಕಷ್ಟಕ್ಕೆ ಸಿಲುಕುವಂತಾಗಿದೆ ಎಂದು ಸ್ಥಳೀಯರು ದೂರಿದ್ದಾರೆ.

ರಸ್ತೆಯಲ್ಲೇ ಹರಿಯುವ ನೀರು

ಮಳೆ ನೀರು ಸರಾಗವಾಗಿ ಹರಿದು ಹೋಗಲು ರಸ್ತೆಯ ಇಕ್ಕೆಲಗಳಲ್ಲಿ ತೋಡು ಇಲ್ಲದೆ ಇರುವುದರಿಂದ ರಸ್ತೆಯಲ್ಲಿಯೇ ನೀರು ಹರಿಯುತ್ತಿದ್ದು ರಸ್ತೆಯಲ್ಲಿ ಇನ್ನಷ್ಟು ಹೊಂಡಗುಂಡಿಗಳು ನಿರ್ಮಾಣಗೊಂಡು ಅಪಘಾತ ಉಂಟಾಗುತ್ತಿದೆ.

ಕೂಡಲೇ ರಸ್ತೆ ದುರಸ್ತಿ