ಜೈಪುರ ವಿಶ್ವ ಪಾರಂಪರಿಕ ತಾಣ

Team Udayavani, Jul 7, 2019, 5:00 AM IST

ನವದೆಹಲಿ: ದೇಶದ ಪ್ರಮುಖ ಪ್ರವಾಸಿ ತಾಣಗಳಲ್ಲೊಂದಾದ ರಾಜಸ್ಥಾನದ ಜೈಪುರಕ್ಕೆ ಯುನೆಸ್ಕೋ ವಿಶ್ವ ಪಾರಂಪರಿಕ ಸ್ಥಾನ ದೊರಕಿದೆ. ಅಜರ್‌ಬೈಜಾನ್‌ನ ರಾಜಧಾನಿ ‘ಬಾಕು’ವಿನಲ್ಲಿ ಜೂ. 30ರಿಂದ ಆರಂಭಗೊಂಡಿರುವ ಯುನೆಸ್ಕೋ ವಿಶ್ವಪಾರಂಪರಿಕ ಸಮಿತಿಯ ಸಭೆಯಲ್ಲಿ ಈ ನಿರ್ಣಯ ಕೈಗೊಳ್ಳಲಾಗಿದ್ದು, ಶನಿವಾರ ಮಧ್ಯಾಹ್ನ ಈ ಕುರಿತಂತೆ ಅಧಿಕೃತ ಪ್ರಕಟಣೆ ಹೊರಡಿಸಲಾಗಿದೆ.

ಸಭೆಯಲ್ಲಿ ಮಂಡಿಸಲಾದ ಈ ಪ್ರಸ್ತಾಪನೆಗೆ, ಚೀನಾ, ಬ್ರೆಜಿಲ್, ಆಸ್ಟ್ರೇಲಿಯಾ, ಕುವೈತ್‌, ಅಜರ್‌ಬೈಜಾನ್‌ ಸೇರಿ 20 ದೇಶಗಳು ಬೆಂಬಲಿಸಿದ್ದವು. ವಿಶ್ವ ಪಾರಂಪರಿಕ ತಾಣಗಳ ಪಟ್ಟಿಯಲ್ಲಿ ಸ್ಥಾನ ಪಡೆದ ಭಾರತದ ನಗರಗಳ ಲೆಕ್ಕದಲ್ಲಿ ಹೇಳುವುದಾದರೆ, ಈ ಸಾಧನೆ ಮಾಡಿದ 2ನೇ ನಗರವೆಂಬ ಹೆಗ್ಗಳಿಕೆಗೆ ಜೈಪುರ ಪಾತ್ರವಾಗಿದೆ. 2017ರಲ್ಲಿ ಅಹ್ಮದಾಬಾದ್‌ಗೆ ಈ ಗೌರವ ಸಂದಿತ್ತು. ಜೈಪುರ ಈ ಗೌರವ ಪಡೆದ ಭಾರತದ 38ನೇ ಸ್ಥಳ.

ಈ ಗೌರವ ಐತಿಹಾಸಿಕ ನಗರಿಯ ಮೆರುಗನ್ನು ಮತ್ತಷ್ಟು ಹೆಚ್ಚಿಸಲಿದ್ದು, ಪ್ರವಾಸೋದ್ಯಮದ ಬೆಳವಣಿಗೆಗೂ ಸಹಕಾರಿಯಾಗಲಿದೆ ಎಂದು ರಾಜಸ್ಥಾನ ಸಿಎಂ ಅಶೋಕ್‌ ಗೆಹ್ಲೋಟ್ ಹೇಳಿದ್ದಾರೆ.