ಉಪಯೋಗಕ್ಕೆ ಬಾರದಂತಾದ ಎಪಿಎಂಸಿ ಹರಾಜು ಕಟ್ಟೆ

Team Udayavani, Jul 9, 2019, 10:19 AM IST

ಬಾಳೆಹೊನ್ನೂರು: ಕೊಪ್ಪ ಎಪಿಎಂಸಿಯಿಂದ ನಿರ್ಮಿಸಿರುವ ಹರಾಜು ಕಟ್ಟೆ.

ಬಾಳೆಹೊನ್ನೂರು: ಡೋಬಿಹಳ್ಳದ ಪಕ್ಕದಲ್ಲಿ ಕೊಪ್ಪ ಎಪಿಎಂಸಿ ವತಿಯಿಂದ 79 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಿಸಿರುವ ಹರಾಜು ಕಟ್ಟೆ ಉಪಯೋಗಕ್ಕೆ ಬಾರದಂತಾಗಿದೆ ಎಂದು ಗ್ರಾಮಸ್ಥರು ದೂರಿದ್ದಾರೆ.

ಉದ್ಘಾಟನೆಗೊಂಡು 20 ತಿಂಗಳಾದರೂ ಒಂದು ದಿನವೂ ಹಾರಜು ಕಟ್ಟೆಯಲ್ಲಿ ಸಂತೆ ನಡೆದಿಲ್ಲ. ಅಲೆಮಾರಿಗಳು ಹಾಗೂಭಿಕ್ಷುಕರಿಗೆ ವಾಸ ಮಾಡಲು ಅನುಕೂಲ ವಾಗಿದೆ. ಮೂಲಭೂತ ಸೌಲಭ್ಯ ಹಾಗೂ ಸರಿಯಾದ ರಸ್ತೆ ಇಲಯಿರುವುದೇ ಇದಕ್ಕೆ ಪ್ರಮುಖ ಕಾರಣ. ಡೋಬಿಹಳ್ಳದ ಪಕ್ಕದಲ್ಲಿ ರುವ ಮಾಂಸದಂಗಡಿ ಹಾಗೂ ಮೀನು ಮಾರುಕಟ್ಟೆ ತ್ಯಾಜ್ಯದಿಂದ ನೊಣ ಹಾಗೂಸೊಳ್ಳೆಗಳ ಉತ್ಪಾದನಾ ಕೇಂದ್ರವಾಗಿದೆ. ಭಾರೀ ಮಳೆ ಬಂದಾಕ್ಷಣ ಹರಾಜುಕಟ್ಟೆ ಜಲಾವೃತಗೊಳ್ಳುತ್ತದೆ. ಕಳೆದ ಬಾರಿ ನಾಲ್ಕು ಬಾರಿ ಹರಾಜು ಕಟ್ಟೆ ಮುಳುಗಡೆಯಾಗಿ ದ್ದನ್ನು ಸ್ಮರಿಸಬಹುದು.

ಟ್ರಾಫಿಕ್‌ ಸಮಸ್ಯೆ: ಜೆ.ಸಿ.ವೃತ್ತದಿಂದ ಡೊಬಿಹಳ್ಳದ ಸೇತುವೆ ವರೆಗೆ ಕೇಂದ್ರದ ಸಿಆರ್‌ಎಫ್‌ ಯೋಜನೆಯಡಿ 8 ಕೋಟಿ ರೂ. ವೆಚ್ಚದಲ್ಲಿ ನೂತನ ಸೇತುವೆ, ಪಾದಚಾರಿಗಳು ಸಂಚರಿಸಲು ಫುಟ್ಪಾತ್‌ ನಿರ್ಮಿಸಲಾಗಿತ್ತು. ಸಂತೆ ದಿನ ಗ್ರಾಮಪಂಚಾಯಿತಿ ಪಿಎಇಒ ಸ್ಥಳದಲ್ಲಿದ್ದು, ಸಂತೆಯನ್ನು ಕೂಡಲೇ ಹರಾಜು ಕಟ್ಟೆಗೆ ಸ್ಥಳಾಂತರ ಮಾಡಲು ಅಧಿಕಾರಿಗಳು ಮುಂದಾಗಬೇಕೆಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.