ಬೆಳಪು : ಕಸ ಹಾಕಲು ಬಂದ ವಾಹನಕ್ಕೆ 2000 ರೂ. ದಂಡ

ಕಾಪು: ಕಂಡ ಕಂಡಲ್ಲಿ ಕಸ ಎಸೆಯುವವರ ವಿರುದ್ಧ ಕಾನೂನು ಕ್ರಮ ತೆಗೆದುಕೊಳ್ಳಲು ಬೆಳಪು ಗ್ರಾ.ಪಂ. ಮುಂದಾಗಿದ್ದು ಅದರಂತೆ ತ್ಯಾಜ್ಯ ಎಸೆಯಲು ಬಂದ ವಾಹನಕ್ಕೆ 2 ಸಾವಿರ ರೂ. ದಂಡ ವಿಧಿಸಲಾಗಿದೆ.

ರಿಕ್ಷಾ ಟೆಂಪೋದಲ್ಲಿ ಕಸವನ್ನು ತಂದು ಎಸೆಯುತ್ತಿದ್ದಾಗ ಮಾಹಿತಿದಾರರ ಮಾಹಿತಿ ಮೇರೆಗೆ ಪಿಡಿಒ ಸ್ಥಳಕ್ಕೆ ತೆರಳಿ ಟೆಂಪೋ ಮುಟ್ಟುಗೋಲು ಹಾಕಿಕೊಂಡಿದ್ದಾರೆ. ಬಳಿಕ ಮುಚ್ಚಳಿಕೆ ಬರೆಸಿಕೊಂಡು 2 ಸಾವಿರ ರೂ. ದಂಡ ವಿಧಿಸಿದ್ದಾರೆ. ಮಾಹಿತಿದಾರರಿಗೆ 1 ಸಾವಿರ ರೂ. ಬಹುಮಾನವನ್ನು ಗ್ರಾ.ಪಂ. ಅಧ್ಯಕ್ಷ ಡಾ| ದೇವಿಪ್ರಸಾದ್‌ ಶೆಟ್ಟಿ ಅವರ ಉಪಸ್ಥಿತಿಯಲ್ಲಿ ನೀಡಲಾಗಿದೆ.

ಬೇಕಾಬಿಟ್ಟಿ ಕಸ ಎಸೆಯುವ ಪ್ರವೃತ್ತಿ ಹೆಚ್ಚಿದ ಹಿನ್ನೆಲೆಯಲ್ಲಿ ಗ್ರಾ.ಪಂ. ವ್ಯಾಪ್ತಿಯಲ್ಲಿ ಕಸ ಎಸೆದರೆ 2 ಸಾವಿರ ದಂಡ ಮತ್ತು ಮಾಹಿತಿದಾರರಿಗೆ 1 ಸಾವಿರ ರೂ. ಬಹುಮಾನ ಘೋಷಿಸಲಾಗಿತ್ತು. ಇದರೊಂದಿಗೆ ಗ್ರಾಮದಲ್ಲಿ ಗಸ್ತು, ಸಿಸಿಟೀವಿ ಜೋಡಿಸಲಾಗಿದೆ. ವಾರಕ್ಕೆ 3 ದಿನ ಮನೆಗಳಿಂದ ಕಸ ಸಂಗ್ರಹಣೆಗೆ ವ್ಯವಸ್ಥೆಯನ್ನೂ ಮಾಡಲಾಗಿತ್ತು