ಅತೃಪ್ತರ ರಾಜೀನಾಮೆ: ಕುಮಾರಸ್ವಾಮಿಗೆ ಧೈರ್ಯ ತುಂಬಿದ ಮಮತಾ ಬ್ಯಾನರ್ಜಿ

Team Udayavani, Jul 11, 2019, 6:10 PM IST

ಹೊಸದಿಲ್ಲಿ : ಅತೃಪ್ತ ಶಾಸಕರ ರಾಜೀನಾಮೆಯಿಂದ ಹೈರಾಣಾಗಿರುವ ಕರ್ನಾಟಕ ಮುಖ್ಯಮಂತ್ರಿ ಎಚ್‌ ಡಿ ಕುಮಾರಸ್ವಾಮಿ ಅವರಿಗೆ ಪಶ್ಚಿಮ ಬಂಗಾಲ ಮುಖ್ಯಮಂತ್ರಿ, ಟಿಎಂಸಿ ಮುಖ್ಯಸ್ಥೆ ಮಮತಾ ಬ್ಯಾನರ್ಜಿ, ಧೈರ್ಯ ತುಂಬಿದ್ದಾರೆ.

‘ಎಂತಹ ವಿಷಮತೆ ಎದುರಾದರೂ ಎದೆಗುಂದಬೇಡಿ; ನಿಮ್ಮ ಅಚಲ ನಿಲುವಿನಿಂದ ದೂರ ಸರಿಯಬೇಡಿ; ಬಿಜೆಪಿ ವಿರುದ್ಧ ಸೆಟೆದು ನಿಲ್ಲುವ ನಿಮ್ಮ ಪ್ರಯತ್ನಗಳನ್ನು ನಿಲ್ಲಿಸಬೇಡಿ’ ಎಂದು ಮಮತಾ ಬ್ಯಾನರ್ಜಿ ಅವರು ಕುಮಾರಸ್ವಾಮಿ ಅವರಿಗೆ ಫೋನ್‌ ಕರೆ ಮಾಡಿ ಹೇಳಿದ್ದಾರೆ.

ಪಕ್ಷಾಂತರ ಪಿಡುಗಿನಿಂದ ಸ್ವತಃ ಸಂಕಷ್ಟಕ್ಕೆ ಗುರಿಯಾಗಿರುವ ಮಮತಾ ಬ್ಯಾನರ್ಜಿ ಅವರ ಟಿಎಂಸಿ ಯ ಹಲವರು ಸಂಸದರು, ಶಾಸಕರು ಈಚೆಗೆ ಬಿಜೆಪಿ ಸೇರಿರುವ ಹೊರತಾಗಿಯೂ, ಬಿಜೆಪಿಯ ಕುಟಿಲೋಪಾಯಗಳಿಗೆ ಬಲಿ ಬೀಳದಂತೆ ಎಚ್ಚರಿಕೆ ವಹಿಸುವಂತೆ ಕುಮಾರ ಸ್ವಾಮಿ ಅವರಿಗೆ ಹೇಳಿದ್ದಾರೆ.