ಟೆಂಪೋ, ಇಬ್ಬರನ್ನು ಪೊಲೀಸರಿಗೆ ಒಪ್ಪಿಸಿದ ಗ್ರಾಮಸ್ಥರು

Team Udayavani, Jul 13, 2019, 5:00 AM IST

ಬಜಪೆ: ಮಳವೂರು ಗ್ರಾ.ಪಂ. ವ್ಯಾಪ್ತಿಯ ಕೆಂಜಾರು ಗ್ರಾಮದ ಪೇರಾ ಮಸೀದಿ ಬಳಿಯ ಸಾರ್ವಜನಿಕ ಪ್ರದೇಶದಲ್ಲಿ ಟೆಂಪೋದಿಂದ ಕಸ ವಿಲೇವಾರಿ ಮಾಡುತ್ತಿದ್ದ ವೇಳೆ ಗ್ರಾಮಸ್ಥರು ಟೆಂಪೋ ಹಾಗೂ ಇಬ್ಬರನ್ನು ಬಜಪೆ ಪೊಲೀಸ್‌ರಿಗೆ ಒಪ್ಪಿಸಿದ್ದಾರೆ.

ಶುಕ್ರವಾರ ಮಧ್ಯಾಹ್ನ 11ರ ವೇಳೆಗೆ ಕಸವನ್ನು ತುಂಬಿಕೊಂಡಿದ್ದ ಟೆಂಪೋವೊಂದು ಮಳವೂರು ಜಂಕ್ಷನ್‌ ಮೂಲಕ ಪೇಜಾವರಕ್ಕೆ ಹೋಗುವ ರಸ್ತೆಯಲ್ಲಿ ಸಾಗಿ ಕೆಂಜಾರು ಗ್ರಾಮದ ಪೇಜಾವರ ಪೇರಾ ಮಸೀದಿ ಬಳಿ ಟೆಂಪೋದಿಂದ ಕಸವನ್ನು ಇಳಿಸಲು ಪ್ರಯತ್ನಿಸಿದಾಗ ಅಲ್ಲಿನ ಗ್ರಾಮಸ್ಥರು ಇದನ್ನು ನೋಡಿ ಟೆಂಪೋದಲ್ಲಿದ್ದ ಇಬ್ಬರನ್ನು ಹಿಡಿದು ಬಜಪೆ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಗ್ರಾಮಸ್ಥರನ್ನು ನೋಡಿ ಟೆಂಪೋದಲ್ಲಿದ್ದವರು ಅಲ್ಲಿಂದ ಓಡಿ ಹೋಗುವಾಗ ಕೆಸರಲ್ಲಿ ಸಿಕ್ಕಿಕೊಂಡ ಕಾರಣ ಅವರನ್ನು ಹಿಡಿಯಲಾಯಿತು.

ಟೆೆಂಪೋಗೆ ಎರಡು ರಿಜಿಸ್ಟರ್‌ ನಂಬ್ರಗಳಿದ್ದು ಈ ಹಿಂದೆಯೇ ಅ ಪ್ರದೇಶದಲ್ಲಿ ಕಸವನ್ನು ಎಸೆದಿದ್ದರು. ಟೆಂಪೋದಲ್ಲಿ ಥರ್ಮಾಕೋಲ್‌, ಪ್ಲಾಸ್ಟಿಕ್‌ ತುಂಬಿದ್ದು ಈ ಪ್ರದೇಶದಲ್ಲಿ ಕಸ ಎಸೆಯುವ ಬಗ್ಗೆ ಪಂಚಾಯತ್‌ ಈಗಾಗಲೇ ಬಜಪೆ ಪೊಲೀಸರಿಗೆ ದೂರು ನೀಡಿತು. ಬಜಪೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಟೆಂಪೋವನ್ನು ಗ್ರಾಮಸ್ಥರು ಪೊಲೀಸರಿಗೆ ಒಪ್ಪಿಸಿದ್ದಾರೆ.