ಕುಡಿವ ನೀರಿಗೆ ಆಗ್ರಹಿಸಿ ಪ್ರತಿಭಟನೆ

Team Udayavani, Jul 17, 2019, 10:52 AM IST

ಕಾರಟಗಿ: ಕುಡಿವ ನೀರು ಪೂರೈಕೆಗೆ ಆಗ್ರಹಿಸಿ ನಿವಾಸಿಗಳು ನೀರಿನ ತೊಟ್ಟಿ ಎದುರು ಪ್ರತಿಭಟಿಸಿದರು.

ಕಾರಟಗಿ: ಪಟ್ಟಣದ 5ನೇ ವಾರ್ಡ್‌ನಲ್ಲಿ ಕಳೆದ ಒಂದುವರೆ ತಿಂಗಳಿನಿಂದ ಕುಡಿವ ನೀರು ಪೂರೈಕೆ ಆಗುತ್ತಿಲ್ಲ ಎಂದು ಮಹಿಳೆಯರು ಮಂಗಳವಾರ ನೀರಿನ ತೊಟ್ಟಿ ಎದುರು ಪ್ರತಿಭಟಿಸಿದರು.

ವಾರ್ಡ್‌ನಲ್ಲಿನ ಕೊಳವೆಬಾವಿಯ ಮೋಟರ್‌ ದುರಸ್ತಿಗೊಳಪಟ್ಟು ಒಂದುವರೆ ತಿಂಗಳು ಕಳೆದಿದೆ. ಕಳೆದ 8 ದಿನಗಳ ಹಿಂದೆ ಪುರಸಭೆ ಸಿಬ್ಬಂದಿ ಕೊಳವೆಬಾವಿಯ ಮೋಟರ್‌ ಬಿಚ್ಚಿಕೊಂಡು ಹೋಗಿದ್ದು, ಇವರೆಗೂ ಮೋಟರ್‌ ಅಳವಡಿಸದೇ ನಿರ್ಲಕ್ಷ ತೋರುತ್ತಿದ್ದಾರೆ. ಈ ಬಗ್ಗೆ ತಿಳಿಸಿದರೂ ಯಾರು ಗಮನಹರಿಸುತ್ತಿಲ್ಲ. ನಿತ್ಯ ವಾರ್ಡ್‌ನ ಜನತೆ ನೀರಿಗಾಗಿ ಅಲೆಯಬೇಕಾದ ಸ್ಥಿತಿ ಬಂದಿದೆ ಎಂದು ವಾರ್ಡ್‌ನ ನಿವಾಸಿಗಳಾದ ತಿಪ್ಪಮ್ಮ ಎಲಿಗಾರ, ಹಂಪಮ್ಮ ಬಸಾಪುರ, ರೇಖಾ ಬಾಯಿ, ಪದ್ದುಬಾಯಿ ದೂರಿದರು.

ಸ್ಥಳಕ್ಕೆ ಆಗಮಿಸಿದ ಪುರಸಭೆ ವಾಟರ್‌ಮನ್‌ಗೆ ವಾರ್ಡ್‌ನ ನಿವಾಸಿಗಳು ತರಾಟೆಗೆ ತೆಗದುಕೊಂಡರು.