ಪರಬ್ರಹ್ಮನಿಗೆ ಸ್ಕ್ರಿಪ್ಟ್ ಪೂಜೆ

Team Udayavani, Jul 18, 2019, 3:00 AM IST

ಮೈಸೂರು ಟೂರಿಂಗ್‌ ಟಾಕೀಸ್‌ ಲಾಂಛನದಲ್ಲಿ ಎಸ್‌.ಮಧುಮಾಲತಿ ಮತ್ತು ಶಶಿರೇಖಾ ಅವರು ನಿರ್ಮಿಸುತ್ತಿರುವ “ಜೈಹೋ ಪರಬ್ರಹ್ಮ’ ಚಿತ್ರದ ಸ್ಕ್ರಿಪ್ಟ್ ಪೂಜೆ ಇತ್ತೀಚೆಗೆ ಚಾಮರಾಜಪೇಟೆ ಮಲೆ ಮಹದೇಶ್ವರಸ್ವಾಮಿ ದೇವಸ್ಥಾನದಲ್ಲಿ ನಡೆಯಿತು. ಈ ಹಿಂದೆ “ಜಮಾನ’, “ಗುಡ್‌ ಬೈ’ ಹಾಗೂ ಸದ್ಯದಲ್ಲೇ ತೆರೆಗೆ ಬರಲಿರುವ “ದಿಗ್ಧರ್ಶಕ’ ಚಿತ್ರಗಳಲ್ಲಿ ಅಭಿನಯಿಸಿರುವ ಜಯಪ್ರಕಾಶ್‌ ಅವರು ಈ ಚಿತ್ರದ ನಾಯಕರಾಗಿದ್ದಾರೆ.

ನಿರ್ದೇಶನವನ್ನು ಜಯಪ್ರಕಾಶ್‌ ಅವರೆ ಮಾಡುತ್ತಿದ್ದಾರೆ. ನಾಯಕಿ ಸೇರಿದಂತೆ ಕಲಾದರ ಆಯ್ಕೆ ನಡೆಯುತ್ತಿದ್ದು, ಸದ್ಯದಲ್ಲೇ ಚಿತ್ರೀಕರಣ ಆರಂಭಿಸಲಿದೆ ಚಿತ್ರತಂಡ. ವೈಶಾಖ್‌ ಶಶಿಧರನ್‌ ಅವರ ಸಂಗೀತ ನಿರ್ದೇಶನವಿರುವ ಈ ಚಿತ್ರಕ್ಕೆ ನಿರಂಜನ್‌ ಬಾಬು ಅವರ ಛಾಯಾಗ್ರಹಣವಿದೆ.