ವಿಮಾನದಲ್ಲೇ ಪ್ರಾಣಬಿಟ್ಟ ನವಜಾತ ಶಿಶು

Team Udayavani, Jul 25, 2019, 1:31 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಪಟ್ನಾ : ಗಂಭೀರ ಹೃದಯದ ಸಮಸ್ಯೆಗೆ ಒಳಗಾಗಿದ್ದ ಆರು ತಿಂಗಳ ಮಗುವೊಂದು ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದ ಸಂದರ್ಭದಲ್ಲೇ ಮೃತಪಟ್ಟ ಘಟನೆ ವರದಿಯಾಗಿದೆ.

ಬಿಹಾರದ ಬೇಗುಸರಾಯ್ ಜಿಲ್ಲೆಯ ನಿವಾಸಿಗಳಾಗಿರುವ ರಾಜೇಂದ್ರ ರಂಜನ್ ಹಾಗೂ ಡಿಂಪಲ್ ಅವರ ಆರು ತಿಂಗಳ ಹೆಣ್ಣು ಶಿಶು ರಚಿತಾ ಕುಮಾರಿ ಗಂಭೀರ ಸ್ವರೂಪದ ಹೃದಯ ಕಾಯಿಲೆಯಿಂದ ಬಳಲುತ್ತಿದಳು ಆಕೆಯ ಹೃದಯದಲ್ಲಿ ಸಣ್ಣ ರಂಧ್ರವೊಂದು ಕಂಡುಬಂದಿತ್ತು. ಈ ಸಮಸ್ಯೆಗೆ ಆಕೆ ದೆಹಲಿಯ ಏಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೊಳಗಾಗುತ್ತಿದ್ದಳು.

ಈತನ್ಮಧ್ಯೆ ಬುಧವಾರ ರಾತ್ರಿ ಆಕೆಯನ್ನು ವಿಮಾನದ ಮೂಲಕ ದೆಹಲಿಗೆ ಚಿಕಿತ್ಸೆಗೆಂದು ಕರೆದುಕೊಂಡು ಹೋಗುತ್ತಿದ್ದ ಸಂದರ್ಭದಲ್ಲಿ ರಚಿತಾ ಕುಮಾರಿ ವಿಮಾನ ಹಾರಾಟ ಸಂದರ್ಭದಲ್ಲೇ ಆರೋಗ್ಯ ಸ್ಥಿತಿ ಹದಗೆಟ್ಟು ಮೃತಪಟ್ಟಳು.

ಇಂಧಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಡೆಪ್ಯುಟಿ ಕಮಿಷನರ್ ಸಂಜಯ್ ಭಾಟಿಯಾ ಅವರು ಈ ವಿಚಾರವನ್ನು ಮಾಧ್ಯಮಗಳಿಗೆ ತಿಳಿಸಿದರು.