ತಾಲೂಕಿನ ಸರ್ವಾಂಗೀಣ ಅಭಿವೃದ್ಧಿಯೇ ಅಂತಿಮ ಗುರಿ

Team Udayavani, Jul 28, 2019, 1:03 PM IST

ದೇವನಹಳ್ಳಿ ತಾಲೂಕಿನ ಪಾಂಡುರಂಗಪುರದ ಫಲಾನುಭವಿಗಳಿಗೆ ಹಕ್ಕುಪತ್ರವನ್ನು ಶಾಸಕ ಎಲ್.ಎನ್‌.ನಾರಾಯಣಸ್ವಾಮಿ ಹಾಗೂ ತಹಶೀಲ್ದಾರ್‌ ಕೇಶವಮೂರ್ತಿ ವಿತರಿಸಿದರು.

ದೇವನಹಳ್ಳಿ: ತಾಲೂಕಿನ ಪಾಂಡುರಂಗಪುರ ಗ್ರಾಮದಲ್ಲಿ ಸರ್ಕಾರಿ ಗೋಮಾಳದಲ್ಲಿ ಅಕ್ರಮವಾಗಿ ಮನೆ ಕಟ್ಟಿಕೊಂಡಿದ್ದ ಅರ್ಹ ಫಲಾನುಭವಿಗಳಿಗೆ ಹಕ್ಕುಪತ್ರಗಳನ್ನು ಶಾಸಕ ಎಲ್.ಎನ್‌.ನಾರಾಯಣ ಸ್ವಾಮಿ ವಿತರಿಸಿದರು.

ಬಳಿಕ ಮಾತನಾಡಿ, ಸರ್ಕಾರಿ ಜಾಗದಲ್ಲಿ ಅನಧಿ ಕೃತವಾಗಿ ನಿರ್ಮಾಣ ಮಾಡಿಕೊಂಡ ಬಡವರಿಗೆ ಸಕ್ರಮೀಕರಣಗೊಳಿಸುವ ಕಾರ್ಯ ಮಾಡಲಾ ಗುತ್ತಿದೆ. ತಾಲೂಕಿನಲ್ಲಿ 150 ಹಕ್ಕುಪತ್ರಗಳನ್ನು ವಿತರಿಸಲಾಗಿದೆ. ಈಗಾಗಲೇ ತಾಲೂಕಿನ ಪಾಂಡು ರಂಗಪುರದಲ್ಲಿ 27, ಇತರೆ ಹಳ್ಳಿಗಳಿಗೆ 51, ಬೊಮ್ಮವಾರದಲ್ಲಿ 3 ಜನರಿಗೆ ಸಾಗುವಳಿ ಚೀಟಿ, 57 ಜನರಿಗೆ ಹಕ್ಕುಪತ್ರ, ಬೈಚಾಪುರದಲ್ಲಿ 15 ಫಲಾನು ಭವಿಗಳಿಗೆ ಹಕ್ಕುಪತ್ರಗಳನ್ನು ನೀಡಲಾಗಿದೆ. ಇಡೀ ಗ್ರಾಪಂಗಳಲ್ಲಿ ನನಗೆ ಅಣ್ಣೇಶ್ವರ ಪಂಚಾಯಿತಿ ಮೆಚ್ಚಿನದಾಗಿದೆ ಎಂದರು.

ಹಕ್ಕುಪತ್ರ ಪಡೆದ ಫಲಾನುಭವಿಗಳು ತಮ್ಮ ಪಿಳಿಗೆಗೆ ಇದನ್ನು ಉಳಿಸಿಕೊಂಡು ಹೋಗಬೇಕು. ಯಾವುದೇ ಕಾರಣಕ್ಕೂ ಅಡ ಇಡುವುದಾಗಲೀ, ಮಾರಾಟ ಮಾಡುವುದಾಗಲೀ ಮಾಡಬಾರದು. ಶಾಶ್ವತವಾಗಿ ತಾವುಗಳು ಪಿಳಿಗೆಗೆ ಉಳಿಸಿಕೊಂಡು ಹೋಗುವ ಜವಾಬ್ದಾರಿ ನೀಡಲಾಗಿದೆ. ತಾಲೂಕಿನ ಸರ್ವಾಂಗೀಣ ಅಭಿವೃದ್ಧಿಯೇ ನನ್ನ ಗುರಿಯಾಗಿದೆ. ತಮ್ಮ ಗ್ರಾಮದಲ್ಲಿ ಏನೇ ಸಮಸ್ಯೆ ಇದ್ದರೆ ಅದನ್ನು ಪರಿಹರಿಸಿಕೊಡಲಾಗುತ್ತದೆ ಎಂದು ಹೇಳಿದರು.

ಪಾಂಡುರಂಗಪುರದಲ್ಲಿ 152 ಎಕರೆ ಗೋಮಾಳ ವಿದ್ದು, ಚನ್ನರಾಯಪ್ಪ, ಮುನಿ ಆಂಜಿನಪ್ಪರಿಗೆ 1961-62ರಲ್ಲಿ ಮಂಜೂರಾದ ಜಮೀನಾಗಿದೆ. ಹೀಗಾಗಿ ಗೋಮಾಳ ಹಂಚಿಕೆ ಮಾಡಲು ಮುಂದಾಗಿರುವುದು ಸರಿಯಲ್ಲ ಎಂದು ಪ್ರಶ್ನಿಸಿದ ಕೇಶವಕುಮಾರ್‌ರನ್ನು ಮನವೊಲಿಸಲಾಯಿತು.

ಈಗಾಗಲೇ ಮಂಜೂರಾಗಿರುವ ಗೋಮಾಳ ಜಾಗದ ಪ್ರಕರಣ ನ್ಯಾಯಾಲಯದಲ್ಲಿ ಇರುವು ದಿಂದ ನ್ಯಾಯಾಲಯದಲ್ಲಿ ಆದೇಶ ಬರುವವರಗೆ ಅಕ್ರಮ ಸಕ್ರಮದಲ್ಲಿರುವ ಫಲಾನುಭವಿಗಳಿಗೆ ಹಕ್ಕುಪತ್ರ ನೀಡಲಾಗುತ್ತದೆ. ಆದೇಶದಲ್ಲಿ ಇದೇ ಜಮೀನು ಮಂಜೂರು ಆದಲ್ಲಿ ಬದಲೀ ಜಮೀನಿಗೆ ಶಿಫಾರಸ್ಸು ಮಾಡಿ ಅನುಕೂಲ ಮಾಡಿಕೊಡ ಲಾಗುತ್ತದೆ ಎಂದು ಹೇಳಿದರು.

ತಹಶೀಲ್ದಾರ್‌ ಕೇಶವಮೂರ್ತಿ ಮಾತನಾಡಿ, ಹಕ್ಕುಪತ್ರಗಳನ್ನು ಪಡೆದ ಅರ್ಹ ಫಲಾನುಭವಿಗಳಿಗೆ ಎಷ್ಟು ಜಮೀನು ಮಂಜೂರಾಗಿದೆಯೋ, ಅದನ್ನು ಆರ್‌ಟಿಸಿಯಲ್ಲಿ ಕಂದಾಯ ಇಲಾಖೆ ಅಧಿಕಾರಿಗಳು ದಾಖಲು ಮಾಡಿಕೊಳ್ಳುತ್ತಾರೆ. ಅರ್ಹ ಫಲಾನುಭವಿ ಗಳು ತಮ್ಮ ಕುಟುಂಬ ನಡೆಸಿಕೊಂಡು ಹೋಗಲು ಸರ್ಕಾರದ ಆದೇಶದಂತೆ ಹಕ್ಕುಪತ್ರಗಳನ್ನು ಬಡವರಿಗೆ ಹಂಚಲಾಗಿದೆ ಎಂದು ಹೇಳಿದರು.

ಜೆಡಿಎಸ್‌ ಕಾರ್ಯಾಧ್ಯಕ್ಷ ಮುನೇಗೌಡ, ಕುಂದಾಣ ಹೋಬಳಿ ಅಧ್ಯಕ್ಷ ಚಂದ್ರೇಗೌಡ, ವಿಶ್ವನಾಥಪುರ ಗ್ರಾಪಂ ಅಧ್ಯಕ್ಷ ರಾಮಮೂರ್ತಿ, ಸದಸ್ಯೆ ಲಕ್ಷಮ್ಮ, ಮುಂಖಡ ಮನಗೊಂಡನಹಳ್ಳಿ ಜಗದೀಶ್‌, ರಬ್ಬನಹಳ್ಳಿ ಪ್ರಭಾಕರ್‌ ಇದ್ದರು.