ಮೋದಿ ಅಡ್ವೆಂಚರ್ ಶೋ ಟೀಸರ್ ವೈರಲ್

Team Udayavani, Jul 29, 2019, 8:07 PM IST

ಮಣಿಪಾಲ: ಪ್ರಧಾನಿ ನರೇಂದ್ರ ಮೋದಿ ಅವರು ಡಿಸ್ಕವರಿ ಚಾನೆಲ್ ನಲ್ಲಿ ಪ್ರಸಾರವಾಗುವ “ಮ್ಯಾನ್ v/s ವೈಲ್ಡ್” ಎಂಬ ಅಡ್ವೆಂಚರ್ ಶೋನಲ್ಲಿ ಭಾಗವಹಿಸಿದ್ದಾರೆ. ಇದರ ವಿಡಿಯೋ ಚಿತ್ರಿಕರಣ ಈಗಾಗಲೇ ಪೂರ್ಣಗೊಂಡಿದ್ದು, ಅದರ ಮೊದಲ ಟೀಸರ್ ಅನ್ನು ಡಿಸ್ಕವರಿ ಚಾನೆಲ್ ನ ಎಡ್ವರ್ಡ್ ಮೈಕೆಲ್ ಗ್ರಿಲ್ಸ್ ಅವರು ಟ್ವೀಟ್‌ ಮಾಡಿದ್ದಾರೆ. ಎಡ್ವರ್ಡ್ ಮೈಕೆಲ್ ಗ್ರಿಲ್ಸ್ ಕಾರ್ಯಕ್ರಮವಾದ ಮ್ಯಾನ್ v/s ವೈಲ್ಡ್ ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ಕುರಿತು ಟ್ವೀಟರ್‌ನಲ್ಲಿ ಶ್ಲಾಘನೆಯ ಮಾತುಗಳನ್ನಾಡಿದ್ದಾರೆ. ಜತೆಗೆ ವಿಡಿಯೋವನ್ನೂ ಗ್ರಿಲ್ಸ್‌ ಟ್ಯಾಗ್‌ ಮಾಡಿದ್ದಾರೆ.

ಎಡ್ವರ್ಡ್ ಮೈಕೆಲ್ ಗ್ರಿಲ್ಸ್ ಅವರು ಇದನ್ನು ಟ್ವೀಟರ್‌ನಲ್ಲಿ ಪ್ರಧಾನಿ ಮೋದಿಯವರು ರೀಟ್ವೀಟ್‌ ಮಾಡಿದ್ದಾರೆ. ಈ ಮೂಲಕ ಮೈಕೆಲ್‌ ಅವರಿಗೆ ಮೋದಿ ಅಭಿನಂದನೆ ಸಲ್ಲಿಸಿದ್ದಾರೆ. ಬಳಿಕ ತಮ್ಮ ಇನ್‌ ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ತುಣುಕನ್ನು ಮೋದಿ ಅಪ್ಲೋಡ್ ಮಾಡಿದ್ದಾರೆ. ಇಲ್ಲೂ ಈ ವಿಡಿಯೋ ಟೀಸರ್ ಗೆ ಭಾರೀ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಬರೋಬ್ಬರಿ 4 ಗಂಟೆಗಳಲ್ಲೇ ಇದಕ್ಕೆ 17 ಸಾವಿರ ಮಂದಿ ಕಮೆಂಟ್‌ ಮಾಡಿದ್ದಾರೆ. ಮಾತ್ರವಲ್ಲದೇ ಮೋದಿ ಅವರ ಈ ಸಾಹಸವನ್ನು ಕೊಂಡಾಡಿದ್ದಾರೆ. 30 ಲಕ್ಷಕ್ಕಿಂತಲೂ ಅಧಿಕ ಜನರು ಈ ವಿಡಿಯೋ ತುಣುಕನ್ನು ವೀಕ್ಷಿಸಿದ್ದು, ಲೈಕ್‌ ಮಾಡಿದ್ದಾರೆ. ಸೋಮವಾರ ದಿನ ಮೋದಿ ಅವರ ಈ ಟ್ರೆಂಡಿಂಗ್‌ ವಿಡಿಯೋ ಭಾರೀ ಸದ್ದು ಮಾಡಿದೆ ಮಾತ್ರವಲ್ಲದೇ ಇನ್ನೂ ಕೆಲವು ದಿನಗಳವರೆಗೆ ಇದು ಟ್ರೆಂಡಿಂಗ್ ನಲ್ಲೇ ಮುಂದುವರಿಯುವ ನಿರೀಕ್ಷೆ ಇದೆ.

View this post on Instagram

India- where you find lush green forests, diverse wildlife, beautiful mountains and mighty rivers. Watching this programme will make you want to visit different parts of India and add to discourse of environmental conservation. Thanks @beargrylls for coming here! @discoverychannelin

A post shared by Narendra Modi (@narendramodi) on Jul 29, 2019 at 2:15am PDT