16 ವರ್ಷಗಳ ಹರ್ಡಲ್ಸ್‌ ವಿಶ್ವದಾಖಲೆ ಮುರಿದ ದಲಿಲಾ

Team Udayavani, Jul 30, 2019, 5:08 AM IST

ಡೆಸ್‌ ಮೊನೆಸ್‌ (ಅಮೆರಿಕ): ಒಲಿಂಪಿಕ್‌ ಚಾಂಪಿಯನ್‌ ದಲಿಲಾ ಮುಹಮ್ಮದ್‌ “ಯುಎಸ್‌ ಆ್ಯತ್ಲೆಟಿಕ್‌ ಚಾಂಪಿಯನ್‌ಶಿಪ್‌’ನಲ್ಲಿ 16 ವರ್ಷಗಳ ದೀರ್ಘ‌ ಕಾಲದ ಹರ್ಡಲ್ಸ್‌ ವಿಶ್ವದಾಖಲೆಯೊಂದನ್ನು ಮುರಿದಿದ್ದಾರೆ.

ಡ್ರೇಕ್‌ ಕ್ರೀಡಾಂಗಣದಲ್ಲಿ ನಡೆದ ಯುಎಸ್‌ ಆ್ಯತ್ಲೆಟಿಕ್‌ ಕೂಟದ 400 ಮೀ. ಹರ್ಡಲ್ಸ್‌ನಲ್ಲಿ 29ರ ಹರೆಯದ ದಲಿಲಾ ಅದ್ಭುತ ನಿರ್ವಹಣೆ ನೀಡಿ ನೂತನ ವಿಶ್ವದಾಖಲೆ ನಿರ್ಮಿಸಿದರು.

ಮಳೆಯಿಂದ ತೊಂದರೆಗೊಳಗಾದ ಈ ಸ್ಪರ್ಧೆಯಲ್ಲಿ 52.20 ಸೆ.ನಲ್ಲಿ ಗುರಿ ತಲುಪಿದ ಅವರು 2003ರಲ್ಲಿ ರಶ್ಯದ ಯೂಲಿಯಾ ಪೆಚೊನಿRನಾ ಸ್ಥಾಪಿಸಿದ್ದ ದಾಖಲೆಯನ್ನು (52.34 ಸೆ.) ಅಳಿಸಿ ಹಾಕಿದರು.

“ಎರಡು ವಾರಗಳ ಹಿಂದೆ ತರಬೇತಿ ನಡೆಸುತ್ತಿದ್ದ ವೇಳೆ ಗಾಯಗೊಂಡಿದ್ದೆ. ಆದರೂ ಪೆಚೊನಿRನಾ ಅವರ ದಾಖಲೆ ಮುರಿಯುವ ವಿಶ್ವಾಸದಲ್ಲಿದ್ದೆ’ ಎಂದು ದಲಿಲಾ ಹೇಳಿದರು.