‘ಗೀತಾ’ಳಿಗೆ ಧ್ವನಿ ನೀಡಿದ ಗೋಲ್ಡನ್ ಸ್ಟಾರ್ ಪುತ್ರ!

Team Udayavani, Aug 2, 2019, 5:57 PM IST

ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಪುತ್ರ ವಿಹಾನ್ ಗಣೇಶ್ ಇದೀಗ ಚಿತ್ರವೊಂದಕ್ಕೆ ತಮ್ಮ ಧ್ವನಿಯನ್ನು ನೀಡುವ ಮೂಲಕ ಸುದ್ದಿ ಮಾಡಿದ್ದಾರೆ. ಗಣೇಶ್ ಅವರ ಮುಂಬರುವ ಚಿತ್ರ ‘ಗೀತಾ’ದಲ್ಲಿ ವಿಹಾನ್ ಗಣೇಶ್ ನಟಿಸುವ ಮೂಲಕ ಸ್ಯಾಂಡಲ್ ವುಡ್ ಗೆ ಪಾದಾರ್ಪಣೆ ಮಾಡಿದ್ದರು.

ಇದೀಗ ತಮ್ಮ ಪಾತ್ರಕ್ಕೆ ತಾವೇ ಡಬ್ಬಿಂಗ್ ಮಾಡುವ ಮೂಲಕ ವಿಹಾನ್ ಸುದ್ದಿಯಾಗಿದ್ದಾರೆ. ಅಪ್ಪನ ಜೊತೆ ವಿಹಾನ್ ಡಬ್ಬಿಂಗ್ ಕೋಣೆಯಲ್ಲಿ ಧ್ವನಿ ನೀಡುತ್ತಿರುವ ಸಂದರ್ಭದ ಚಿತ್ರವೊಂದನ್ನು ಗಣೇಶ್ ಅಭಿಮಾನಗಳ ಟ್ವಿಟ್ಟರ್ ಪುಟದಲ್ಲಿ ಪೋಸ್ಟ್ ಮಾಡಲಾಗಿದೆ. ಡಬ್ಬಿಂಗ್ ಸಂದರ್ಭದಲ್ಲಿ ಗಣೇಶ್ ಅವರು ತಮ್ಮ ಮಗನನ್ನು ಎತ್ತಿಕೊಂಡಿದ್ದಾರೆ.

‘ಗೀತಾ’ ಚಿತ್ರ ಗಣೇಶ್ ಅವರ ಸ್ವಂತ ಬ್ಯಾನರ್ ನಲ್ಲಿ ನಿರ್ಮಾಣವಾಗುತ್ತಿದೆ. ಈ ಚಿತ್ರದ ಟೀಸರ್ ಈಗಾಗಲೇ ಯೂ-ಟ್ಯೂಬ್ ನಲ್ಲಿ ಬಿಡುಗಡೆಗೊಂಡಿದೆ.

ವಿಜಯನಾಗೇಂದ್ರ ಅವರ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಈ ಚಿತ್ರದಲ್ಲಿ ಗೋಲ್ಡನ್ ಸ್ಟಾರ್ ಗೆ ಸಾನ್ವಿ ಶ್ರೀವಾಸ್ತವ್ ಅವರು ನಾಯಕಿಯಾಗಿದ್ದಾರೆ. ಅನೂಪ್ ರೂಬೆನ್ಸ್ ಅವರ ಸಂಗೀತ ‘ಗೀತಾ’ ಚಿತ್ರಕ್ಕಿದೆ.

ಕರಾಟೆ ಕಿಂಗ್ ಶಂಕರ್ ನಾಗ್ ಅವರ ಮ್ಯೂಸಿಕಲ್ ಹಿಟ್ ಚಿತ್ರ ‘ಗೀತಾ’ಗೂ ಇದಕ್ಕೂ ಏನಾದರೂ ಲಿಂಕ್ ಇದೆಯೇ ಎಂದು ಸೆಂಪ್ಟಂಬರ್ 6ಕ್ಕೆ ಗೊತ್ತಾಗಲಿದೆ.

Vihaan Ganesh, Little Golden Star on his dubbing for GEETHA @Official_Ganesh @VijayNaagendra @ShilpaaGanesh @SSFILMSOFFICIAL #VihaanGanesh #Debut #Ganesh #Geetha #GaneshFollower pic.twitter.com/ZOT1wIKzC3

— Golden Star Ganesh Followers (@GaneshFollower) August 2, 2019