ಬೈಂದೂರು: ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ತಡೆ, ಮಾಹಿತಿ ಶಿಬಿರ

Team Udayavani, Aug 3, 2019, 5:21 AM IST

ಬೈಂದೂರು: ಅಭಿವೃದ್ಧಿ ಸಂಸ್ಥೆ ಮತ್ತು ಶುಭದಾ ಶಾಲೆಗಳ ಸಂಯುಕ್ತ ಆಶ್ರಯದಲ್ಲಿ ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ತಡೆ ಪೋಸ್ಕೋ ಆ್ಯಕ್ಟ್ ಕಾಯಿದೆ 2012 ಕುರಿತು ಮಾಹಿತಿ ಶಿಬಿರ ಶುಭದಾ ಶಾಲಾ ಸಭಾಂಗಣದಲ್ಲಿ ನಡೆಯಿತು.

ಕಿರಿಮಂಜೇಶ್ವರ ಗ್ರಾ.ಪಂ ಮಾಜಿ ಅಧ್ಯಕ್ಷ ಸುಬ್ಬಣ್ಣ ಶೆಟ್ಟಿ ಉದ್ಘಾಟಿಸಿ ಮಾತನಾಡಿ, ಮಕ್ಕಳ ಮೇಲಿನ ಜಾಗ್ರತೆ ಪೋಷಕರ ಜವಾಬ್ದಾರಿ ಯಾಗಿದೆ. ಇತ್ತೀಚಿನ ದಿನಗಳಲ್ಲಿ ಮಕ್ಕಳ ಮೇಲೆ ಆಗುತ್ತಿರುವ ವಿವಿಧ ರೀತಿಯ ದೌರ್ಜನ್ಯಗಳ ಕುರಿತು ಎಚ್ಚರಿಕೆ ವಹಿಸಬೇಕು.

ಸಂಸ್ಥೆಯ ಸಂಚಾಲಕ ಶಂಕರ ಪೂಜಾರಿ, ಉಡುಪಿ ಜಿಲ್ಲೆಯ ಸರಕಾರಿ ಅಭಿಯೋಜಕ ವಿಜಯ ವಾಸು ಪೂಜಾರಿ, ಬೈಂದೂರು ಆರಕ್ಷಕ ಠಾಣೆಯ ವೃತ್ತ ನಿರೀಕ್ಷಕ ಪರಮೇಶ್ವರ ಗುನಗ, ಮುಖ್ಯ ಶಿಕ್ಷಕ ರವಿದಾಸ್‌ ಶೆಟ್ಟಿ, ಸಂಯೋಜಕಿ ಗೀತಾದೇವಿ ಅಡಿಗ, ರಾಜೀವ ಶೆಟ್ಟಿ , ಹೃತ್ವಿಕ್‌ ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರು ಉಪಸ್ಥಿತರಿದ್ದರು.ಅಭಿವೃದ್ಧಿ ಸಂಸ್ಥೆಯ ಕಾರ್ಯದರ್ಶಿ ರಮೇಶ ವಕ್ವಾಡಿ ಅವರು ಸ್ವಾಗತಿಸಿ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಸುಧಾ ಭಟ್‌ ಬ್ರಹ್ಮಾವರ ಅವರು ನಿರ್ವಹಿಸಿದರು. ಗೋವಿಂದ ರಾಜು ವಂದಿಸಿದರು.