ಹ್ಯುಂಡೈನಿಂದ ಹೊಸ ಕಾರು ಗ್ರಾಂಡ್‌ ಐ10 ನಿಯೊಸ್‌

Team Udayavani, Aug 7, 2019, 6:30 PM IST

ಹೊಸದಿಲ್ಲಿ: ದ.ಕೊರಿಯಾದ ಪ್ರಸಿದ್ಧ ಕಾರು ತಯಾರಿಕೆ ಕಂಪೆನಿ ಹ್ಯುಂಡೈ ಭಾರತದ ಮಾರುಕಟ್ಟೆಗೆ ಇದೀಗ ಹೊಸ ಕಾರು ಐ10 ನಿಯೊಸ್‌ ಬಿಡುಗಡೆಗೊಳಿಸಲು ಸಿದ್ಧವಾಗಿದೆ. ಆ.20ರಂದು ಕಾರು ಬಿಡುಗಡೆಯಾಗಲಿದ್ದು, ಬುಕ್ಕಿಂಗ್‌ ಆರಂಭಗೊಂಡಿದೆ.

ಐ10ನ ಮೂರನೇ ಆವೃತ್ತಿ ಇದಾಗಿದ್ದು, ಹ್ಯಾಚ್‌ಬ್ಯಾಕ್‌ ಮಾರುಕಟ್ಟೆಯಲ್ಲಿ ಉತ್ತಮ ಪೈಪೋಟಿ ಒಡ್ಡುವ ನಿರೀಕ್ಷೆ ಇದೆ. ಭಾರತದ ಕಾರು ಮಾರುಕಟ್ಟೆ ವ್ಯಾಪಕ ಕುಸಿತ ಕಂಡಿದ್ದರೂ ಮಾರಾಟ ಹೆಚ್ಚಳ ಉದ್ದೇಶದಿಂದ ಹೊಸ ಕಾರು ಆವೃತ್ತಿಯನ್ನು ಬಿಡುಗಡೆ ಮಾಡಲು ಹ್ಯುಂಡೈ ಯೋಜನೆ ರೂಪಿಸಿದೆ.

ಸಂಪೂರ್ಣ ಹೊಸ ವಿನ್ಯಾಸವಿರುವ ಈ ನಿಯೊಸ್‌ ಕಾರು ಮುಂಭಾಗದಲ್ಲಿ ಎಲ್‌ಇಡಿ ಲೈಟ್‌ ಮತ್ತು ಪ್ರೊಜೆಕ್ಟರ್‌ ಹೆಡ್‌ಲ್ಯಾಂಪ್‌ ಹೊಂದಿದೆ. ಭಾರತೀಯ ಗ್ರಾಹಕರ ಬೇಡಿಕೆಗೆ ಅನುಸಾರವಾಗಿ ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪೆನಿ ಹೇಳಿಕೊಂಡಿದೆ. ಸದ್ಯ ಕಾರಿನ ತಾಂತ್ರಿಕ ವೈಶಿಷ್ಟéಗಳ ಬಗ್ಗೆ ವಿವರಗಳು ಲಭ್ಯವಾಗಿಲ್ಲ. ಆದರೆ 1.2 ಲೀಟರ್‌ನ, 85 ಅಶ್ವಶಕ್ತಿ ಹೊಂದಿರುವ ಪೆಟ್ರೋಲ್‌ ಎಂಜಿನ್‌ ಇದರಲ್ಲಿರಬಹುದು ಎಂದು ಊಹಿಸಲಾಗಿದೆ.