ಇನ್ನು ಬುಲೆಟ್ ಬೈಕ್ ಸರ್ವೀಸ್ ದರ ಜೇಬಿಗೆ ಹಿತಕರ!

Team Udayavani, Aug 12, 2019, 7:00 PM IST

ಮುಂಬಯಿ: ಬುಲೆಟ್ ಬೈಕ್ ತೆಗೆದುಕೊಳ್ಳಬೇಕು ಎನ್ನುವ ಆಸೆ ಎಲ್ಲರಿಗೂ ಇದ್ದಿದ್ದೇ. ಆದರೆ ಈ ಆಸೆ ಹೇಳಿಕೊಂಡ್ರೆ, ಬೇಡ ಕಣೋ.. ಸರ್ವಿಸ್ ಸಿಕ್ಕಾಪಟ್ಟೆ ಕಾಸ್ಟ್ಲೀ ಅನ್ನೋ ಜನರೂ ಇದ್ದರು. ಇದನ್ನೇ ಗಮನದಲ್ಲಿಟ್ಟುಕೊಂಡು, ಜೇಬಿಗೆ ಹಿತಕರ ಎನಿಸುವಂತೆ ಸರ್ವಿಸ್‌ನಲ್ಲಿ ಕೆಲವೊಂದು ಮಾರ್ಪಾಡುಗಳನ್ನು ಮಾಡಲು ರಾಯಲ್ ಎನ್‌ ಫೀಲ್ಡ್ ಮುಂದಾಗಿದೆ. ಎನ್‌ ಫೀಲ್ಡ್ ‌ನ ಈ ಹೊಸ ಯೋಜನೆ ಎನ್‌ ಫೀಲ್ಡ್, ಕ್ಲಾಸಿಕ್, ಥಂಡರ್‌ ಬರ್ಡ್‌ನ ಹೊಸ ಮಾದರಿ ಬೈಕ್‌ ಗೆ ಅನ್ವಯಿಸಲಿದೆ.

ಬದಲಾವಣೆ ಏನು?
ಇನ್ನು ಬುಲೆಟ್ ಬೈಕ್‌ ಗಳಲ್ಲಿ ಸರ್ವಿಸ್ ಕಿಲೋಮೀಟರ್ 10 ಸಾವಿರ ಇರಲಿದೆ. ಸದ್ಯ 4 ಸಾವಿರಕ್ಕೊಮ್ಮೆ ಆಯಿಲ್ ಚೇಂಜ್ ಮಾಡುತ್ತಿದ್ದರೆ, ಇನ್ನು 10 ಸಾವಿರ ಕಿ.ಮೀ.ಗೆ ಒಂದು ಬಾರಿ ಆಯಿಲ್ ಚೇಂಜ್ ಮಾಡಿದರೆ ಸಾಕಾಗುತ್ತದೆ. ಇದಕ್ಕಾಗಿ ರಾಯಲ್ ಎನ್‌ ಫೀಲ್ಡ್ ಹೊಸ ಮಾದರಿಯ ಸೆಮಿ ಸಿಂಥೆಟಿಕ್ ಆಯಿಲ್ ಅನ್ನು ತನ್ನ ಬೈಕ್‌ ಗಳ ಎಂಜಿನ್‌ ನಲ್ಲಿ ಬಳಸಲು ಉದ್ದೇಶಿಸಿದೆ. ಇದರೊಂದಿಗೆ ಸರ್ವೀಸ್ ಸಮಯವನ್ನು ಈಗಿನ 3 ತಿಂಗಳು ಅಥವಾ 3/4 ಸಾವಿರ ಕಿ.ಮೀ.ಗೆ ಬದಲಾಗಿ 6 ತಿಂಗಳು ಅಥವಾ 5 ಸಾವಿರ ಕಿ.ಮೀ.ಗೆ ಒಂದು ಬಾರಿ ಮಾಡಿದರೆ ಸಾಕು. ಇದರಿಂದ ಶೇ.40ರಷ್ಟು ಹಣ ಉಳಿತಾಯವಾಗಲಿದೆ ಎಂದು ಎನ್‌ ಫೀಲ್ಡ್ ಕಂಪೆನಿ ಹೇಳಿಕೊಂಡಿದೆ.