ಕಾಶ್ಮೀರದಲ್ಲಿ ಹಕ್ಕುಗಳನ್ನು ಕಸಿಯುವುದಕ್ಕಿಂತ ಕಠಿನವಾದದ್ದು ಬೇರೆಯಿಲ್ಲ: ಪ್ರಿಯಾಂಕಾ

Team Udayavani, Aug 25, 2019, 7:45 PM IST

ಹೊಸದಿಲ್ಲಿ: ಕಾಶ್ಮೀರದಲ್ಲಿ ಜನರ ಹಕ್ಕುಗಳನ್ನು ಕಸಿಯುವುದಕ್ಕಿಂತ ಕಠಿನವಾದದ್ದು ಬೇರೆಯಾವುದೂ ಇಲ್ಲ. ರಾಜಕೀಯ, ದೇಶ ವಿರೋಧಕ್ಕಿಂತಲೂ ಇದು ಹೆಚ್ಚಿನದ್ದು ಎಂದು ಕಾಂಗ್ರೆಸ್‌ ನಾಯಕಿ ಪ್ರಿಯಾಂಕಾ ಗಾಂಧಿ ಹೇಳಿದ್ದಾರೆ.

ಕಾಶ್ಮೀರದ ವಿಶೇಷ ಸ್ಥಾನಮಾನ ರದ್ದು ಬಳಿಕ ಬಂದೋಬಸ್ತ್ ನಡೆಸಲಾಗಿದ್ದು, ಈ ಹಿನ್ನೆಲೆಯಲ್ಲಿ ವಿಪಕ್ಷ ನಾಯಕರು ಅಲ್ಲಿಗೆ ತೆರಳಿದ್ದಾಗ ಅವರನ್ನು ವಾಪಸ್‌ ಕಳಿಸಲಾಗಿತ್ತು. ರಾಹುಲ್‌ ಸೇರಿದಂತೆ ಇತರ ಮುಖಂಡರು ವಾಪಸ್‌ ಬರುವ ವಿಮಾನದಲ್ಲಿ ಕೂತಿದ್ದು, ಈ ವೇಳೆ ಕಾಶ್ಮೀರ ಮಹಿಳೆಯೊಬ್ಬರು ಘಟನೆ ಬಗ್ಗೆ ವಿವರಿಸುತ್ತಿರುವ ವೀಡಿಯೋವನ್ನು ಪ್ರಿಯಾಂಕಾ ಟ್ಯಾಗ್‌ ಮಾಡಿದ್ದು ಹೀಗೆಂದು ಟ್ವೀಟ್‌ ಮಾಡಿದ್ದಾರೆ. ಜತೆಗೆ ಕಾಶ್ಮೀರಕ್ಕೆ ತೆರಳುವ ಮೂಲಕ ವಿಪಕ್ಷಗಳು ಕಾಶ್ಮೀರ ವಿಚಾರದಲ್ಲಿ ರಾಜಕೀಯ ಮಾಡುತ್ತಿವೆ ಎಂಬುದನ್ನು ಟೀಕಿಸಿದ್ದಾರೆ.