ರಾಜಕೀಯ ಆಶ್ರಯ ಪಡೆಯಲು ಭಾರತಕ್ಕೆ ಬಂದ ಪಾಕ್‌ ನ ಮಾಜಿ ಶಾಸಕ

Team Udayavani, Sep 10, 2019, 9:14 AM IST

ಹೊಸದಿಲ್ಲಿ: ಪಾಕ್‌ ನಲ್ಲಿ ಅಲ್ಪಸಂಖ್ಯಾತರನ್ನು ಕಡೆಗಣಿಸಲಾಗುತ್ತಿದೆ ಎಂದು ಅರೋಪಿಸಿ, ಭಾರತದಲ್ಲಿ ರಾಜಕೀಯ ಆಶ್ರಯ ಪಡೆಯಲು ಪಾಕ್‌ ನ ಮಾಜಿ ಶಾಸಕ ಬಲ್ದೇವ್‌ ಕುಮಾರ್‌ ಭಾರತಕ್ಕೆ ಆಗಮಿಸಿದ್ದಾರೆ.

ತನ್ನ ಕುಟುಂಬಿಕರೊಂದಿಗೆ ಹೊಸದೆಹಲಿಗೆ ಬಂದಿರುವ ಬಲ್ದೇವ್‌ ಕುಮಾರ್‌, ಪುಖ್ತುಂಖ್ವಾ ಅಸೆಂಬ್ಲಿಯ ಬರಿಕೋಟ್‌ ಕ್ಷೇತ್ರದ ಮಾಜಿ ಶಾಸಕರಾಗಿದ್ದರು. ಪಾಕ್‌ ಪ್ರಧಾನಿ ಇಮ್ರಾನ್‌ ಖಾನ್‌ ಅವರ ತೆಹ್ರೆಕ್‌ ಎ ಇನ್ಸಾಫ್‌ ಪಕ್ಷದ ಸದಸ್ಯರಾಗಿದ್ದರು.

ಪಾಕಿಸ್ಥಾನದಲ್ಲಿರುವ ಹಿಂದೂಗಳು, ಸಿಖ್ಖರಿಗೆ ಯಾವುದೇ ರೀತಿಯ ರಕ್ಷಣೆ ಸಿಗುತ್ತಿಲ್ಲ. ಅಲ್ಪಸಂಖ್ಯಾತರ ಮೇಲೆ ದೌರ್ಜನ್ಯ ನಡೆಯುತ್ತಿದೆ ಎಂದು ಬಲ್ದೇವ್‌ ಕುಮಾರ್‌ ಆರೋಪಿಸಿದ್ದಾರೆ. ಮುಂದಿನ ದಿನಗಳಲ್ಲಿ ಪಾಕಿಸ್ಥಾನಕ್ಕೆ ಹಿಂದಿರುಗುವ ಯಾವುದೇ ಅಲೋಚನೆ ಇಲ್ಲ ಎಂದು ಕುಮಾರ್‌ ಹೇಳಿಕೆ ನೀಡಿದ್ದಾರೆ.