“ಎ’ ತಂಡಗಳ ಟೆಸ್ಟ್‌ ಡ್ರಾ

Team Udayavani, Sep 21, 2019, 5:09 AM IST

ಮೈಸೂರು: ಭಾರತ-ದಕ್ಷಿಣ ಆಫ್ರಿಕಾ “ಎ’ ತಂಡಗಳ ನಡುವಿನ ದ್ವಿತೀಯ ಟೆಸ್ಟ್‌ ಡ್ರಾದಲ್ಲಿ ಅಂತ್ಯಗೊಂಡಿದೆ. ಇದರೊಂದಿಗೆ ಭಾರತ 1-0 ಅಂತರದಿಂದ ಸರಣಿಯನ್ನು ತನ್ನದಾಗಿಸಿ ಕೊಂಡಿದೆ. ತಿರುವನಂತ ಪುರದಲ್ಲಿ ನಡೆದ ಮೊದಲ ಪಂದ್ಯವನ್ನು ಆತಿಥೇಯ ತಂಡ 7 ವಿಕೆಟ್‌ಗಳಿಂದ ಗೆದ್ದಿತ್ತು.

ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಆರಂಭಕಾರ ಪ್ರಿಯಾಂಕ್‌ ಪಾಂಚಾಲ್‌ ಅಮೋಘ ಶತಕ ಬಾರಿಸಿ ಮಿಂಚಿದರು. ಪಾಂಚಾಲ್‌ ಗಳಿಕೆ 109 ರನ್‌ (192 ಎಸೆತ, 9 ಬೌಂಡರಿ, 4 ಸಿಕ್ಸರ್‌). ಕರುಣ್‌ ನಾಯರ್‌ ಅಜೇಯ 51 ರನ್‌ ಮಾಡಿದರು. 3 ವಿಕೆಟಿಗೆ 202 ರನ್‌ ಮಾಡಿದ ಬಳಿಕ ಭಾರತ ದ್ವಿತೀಯ ಇನ್ನಿಂಗ್ಸ್‌ ಡಿಕ್ಲೇರ್‌ ಮಾಡಿತು. ಸ್ಪಷ್ಟ ಫ‌ಲಿತಾಂಶಕ್ಕೆ ಕಾಲಾವಕಾಶ ಇಲ್ಲವಾದ್ದರಿಂದ ಈ ಹಂತದಲ್ಲೇ ಪಂದ್ಯವನ್ನು ಕೊನೆಗೊಳಿಸಲಾಯಿತು.

ಭಾರತದ 417 ರನ್ನುಗಳ ಮೊದಲ ಇನ್ನಿಂಗ್ಸಿಗೆ ಉತ್ತರವಾಗಿ ದಕ್ಷಿಣ ಆಫ್ರಿಕಾ 400 ರನ್‌ ಮಾಡಿತ್ತು.

ಸಂಕ್ಷಿಪ್ತ ಸ್ಕೋರ್‌: ಭಾರತ “ಎ’-417 ಮತ್ತು 3 ವಿಕೆಟಿಗೆ 202 ಡಿಕ್ಲೇರ್‌ (ಪಾಂಚಾಲ್‌ 109, ನಾಯರ್‌ ಔಟಾಗದೆ 51, ಪೀಟ್‌ 88ಕ್ಕೆ 2). ದಕ್ಷಿಣ ಆಫ್ರಿಕಾ “ಎ’-400.