ಹತ್ಯೆಗೆ ಮುನ್ನ ಜೋಕ್‌ ಮಾಡಿದ್ದ ಕೊಲೆಗಾರರು!

Team Udayavani, Oct 2, 2019, 5:02 AM IST

ಲಂಡನ್‌: ಟರ್ಕಿ ರಾಜಧಾನಿ ಇಸ್ತಾಂಬುಲ್‌ನಲ್ಲಿರುವ ಸೌದಿ ಅರೇಬಿಯಾ ರಾಯಭಾರ ಕಚೇರಿಯಲ್ಲಿ ಪತ್ರಕರ್ತ ಜಮಾಲ್‌ ಕಶೋಗ್ಗಿ ಹತ್ಯೆಗೆ ಮುನ್ನ “ಜೋಕ್‌’ಗಳನ್ನು ಮಾಡಲಾಗಿತ್ತು. “ಹರಕೆಯ ಕುರಿ’ ಎಷ್ಟು ಹೊತ್ತಿಗೆ ಬರುತ್ತದೆ? ಆತನ ಧಡೂತಿ ದೇಹವನ್ನು ಈ ಚೀಲದೊಳಗೆ ತುಂಬಿಸಲು ಸಾಧ್ಯವೇ ಎಂಬಿತ್ಯಾದಿ ಮಾತುಗಳನ್ನು ಕೊಲೆಗಡುಕರು ಆಡಿದ್ದರು.

ವಿಶ್ವಸಂಸ್ಥೆಯ ಸಮಿತಿಗೆ ನೆರವು ನೀಡುತ್ತಿರುವ ಬ್ರಿಟನ್‌ ವಕೀಲ ಹೆಲೇನಾ ಕೆನೆಡಿ ರಹಸ್ಯ ಟೇಪ್‌ಗ್ಳನ್ನು ಉಲ್ಲೇಖೀಸಿ ಬಿಬಿಸಿಯ ಪನೋರಮಾ ಸಾಕ್ಷ್ಯಚಿತ್ರಕ್ಕೆ ಸಂಬಂಧಿಸಿದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಅವರು ಅಲ್ಲಿ ಈ ಮಾತುಗಳನ್ನಾಡಿದ್ದಾರೆ. ಸೌದಿ ರಾಯಭಾರ ಕಚೇರಿಗೆ ರಹಸ್ಯವಾಗಿ ಪ್ರವೇಶ ಮಾಡಿದ್ದ ಟರ್ಕಿ ಅಧಿಕಾರಿಗಳು ಖಶೋಗ್ಗಿ ಅವರ ದೇಹವನ್ನು ತುಂಡರಿಸುವ ಸಂದರ್ಭದಲ್ಲಿ “ನಾನು ಶವಗಳನ್ನು ತುಂಡರಿಸುವಾಗ ವಾದ್ಯ ಪರಿಕರ ನುಡಿಸುತ್ತೇನೆ. ಮಾತ್ರವಲ್ಲ ಕಾಫಿ ಕುಡಿಯುತ್ತಾ ಸಿಗಾರ್‌ ಎಳೆಯುತ್ತೇನೆ’ ಎಂದು ಹೇಳುವ ಮಾತುಗಳೂ ಇವೆ ಎಂದಿದ್ದಾರೆ. ಟರ್ಕಿ ಸರ್ಕಾರ 45 ನಿಮಿಷಗಳ ರಹಸ್ಯ ಟೇಪ್‌ ಅನ್ನು ವಿಶ್ವಸಂಸ್ಥೆ ತನಿಖಾ ಸಂಸ್ಥೆಗೆ ಹಸ್ತಾಂತರಿಸಿದೆ.