1990ರ ದರೋಡೆ ಪ್ರಕರಣ: ನಟ ಸಲ್ಮಾನ್ ಖಾನ್ ಬಂಗ್ಲೆ ಕಾವಲುಗಾರನ ಬಂಧನ

Team Udayavani, Oct 10, 2019, 1:53 PM IST

ನವದೆಹಲಿ:1990ನೇ ಇಸವಿಯ ದರೋಡೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಒಡೆತನದ ಗೋರಾಯ್ ಮೂಲದ ಬಂಗ್ಲೆಯ ಕಾವಲುಗಾರ ಶಕ್ತಿ ಸಿದ್ದೇಶ್ವರ್ ರಾಣಾ ಎಂಬಾತನನ್ನು ಪೊಲೀಸರು ಬಂಧಿಸಿರುವುದಾಗಿ ಮಾಧ್ಯಮದ ವರದಿ ತಿಳಿಸಿದೆ.

ಎಎನ್ಐ ವರದಿ ಪ್ರಕಾರ, 1990ರ ದರೋಡೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಣಾನನ್ನು ಪೊಲೀಸರು ಬಂಧಿಸಿದ್ದಾರೆ. ಅಂದು ರಾಣಾ ಹಾಗೂ ಮತ್ತಿಬ್ಬರು ಕೋರ್ಟ್ ನಿಂದ ಜಾಮೀನು ಪಡೆದು ಪರಾರಿಯಾಗಿದ್ದರು. ವಿಚಾರಣೆಗೆ ರಾಣಾ ಹಾಜರಾಗದಿದ್ದ ವೇಳೆ ಕೋರ್ಟ್ ಜಾಮೀನು ರಹಿತ ವಾರಂಟ್ ಅನ್ನು ಜಾರಿಗೊಳಿಸಿತ್ತು.

ರಾಣಾ ತನ್ನ ಗುರುತನ್ನು ಬದಲಾಯಿಸಿಕೊಂಡಿದ್ದು, ಕಳೆದ 29 ವರ್ಷಗಳಿಂದ ತಪ್ಪಿಸಿಕೊಂಡಿದ್ದ, ಪೊಲೀಸರಿಗೆ ದೊರೆತ ಮಾಹಿತಿ ಆಧಾರದ ಮೇಲೆ ಬುಧವಾರ ಖಾನ್ ಬಂಗ್ಲೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ರಾಣಾನನ್ನು ಬುಧವಾರ ಬಂಧಿಸಿರುವುದಾಗಿ ವಿವರಿಸಿದರು.