ಅಜೆಕಾರಿನಲ್ಲಿ ಸಿಡಿಲು: ಮೆಸ್ಕಾಂಗೆ 6 ಲಕ್ಷ ರೂ. ನಷ್ಟ

Team Udayavani, Oct 12, 2019, 5:37 AM IST

ಅಜೆಕಾರು: ಅಜೆಕಾರು ಪರಿಸರದಲ್ಲಿ ಅ.10ರಂದು ಸಂಜೆ ಅಪ್ಪಳಿಸಿದ ಸಿಡಿಲಿಗೆ ವಿದ್ಯುತ್‌ ಪರಿವರ್ತಕಗಳು ಹಾನಿಗೊಂಡು ಸುಮಾರು 6 ಲಕ್ಷ ರೂ. ನಷ್ಟ ಉಂಟಾಗಿದೆ.

ಅಜೆಕಾರು ಹಾಗೂ ವರಂಗ ಗ್ರಾಮಗಳ ವ್ಯಾಪ್ತಿಯಲ್ಲಿ 5 ವಿದ್ಯುತ್‌ ಪರಿವರ್ತಕಗಳಿಗೆ ಸಿಡಿಲು ಬಡಿದು ಹಾನಿಗೊಂಡಿದೆ. ಗಾಳಿಗೆ ಮರಗಳು ಉರುಳಿ ಬಿದ್ದು 6 ವಿದ್ಯುತ್‌ ಕಂಬಗಳಿಗೂ ಹಾನಿ ಉಂಟಾಗಿದೆ.

ಅಜೆಕಾರು, ಅಂಡಾರು, ಶಿರ್ಲಾಲು, ಮುನಿಯಾಲು, ಮುಟ್ಲುಪಾಡಿ, ವರಂಗ ಪರಿಸರದಲ್ಲಿ ವಿದ್ಯುತ್‌ ಸಮಸ್ಯೆ ಉಂಟಾಗಿತ್ತು. ಆದರೆ ಮೆಸ್ಕಾಂ ಅಧಿಕಾರಿಗಳು ಹಾಗೂ ಸಿಬಂದಿ ತುರ್ತಾಗಿ ಕಾರ್ಯನಿರ್ವಹಿಸಿದರು.

ಸಿಡಿಲಿನಿಂದಾಗಿ ಹಲವಾರು ಮನೆಯ ವಿದ್ಯುತ್‌ ವಯರಿಂಗ್‌ ಹಾಗೂ ವಿದ್ಯುತ್‌ ಉಪಕರಣಗಳು ಹಾನಿಗೊಂಡಿವೆ.