50 ರೂ.ನೋಟಿನ ಮೇಲೆ “ಟಾರ್ಗೆಟ್‌ ಬಾಳೆಹೊನ್ನೂರು’

Team Udayavani, Oct 13, 2019, 3:00 AM IST

ಚಿಕ್ಕಮಗಳೂರು: 50 ರೂ. ಮುಖಬೆಲೆಯ ನೋಟೊಂ ದರಲ್ಲಿ “ಟಾರ್ಗೆಟ್‌ ಬಾಳೆಹೊನ್ನೂರು’ ಎಂದು ಬರೆದು ವಾಟ್ಸ್‌ಆ್ಯಪ್‌ ಗ್ರೂಪ್‌ನಲ್ಲಿ ಹರಿಬಿಟ್ಟ ಪ್ರಕರಣವೊಂದು ಬೆಳಕಿಗೆ ಬಂದಿದ್ದು, ವ್ಯಕ್ತಿಯೊಬ್ಬನನ್ನು ಬಂಧಿಸಲಾಗಿದೆ. ನೋಟಿನ ಮೇಲೆ “ಟಾರ್ಗೆಟ್‌ ಬಾಳೆಹೊನ್ನೂರು’ ಎಂದು ದೊಡ್ಡ ಅಕ್ಷರದಲ್ಲಿ ಬರೆಯಲಾಗಿದೆ. ಅಲ್ಲದೆ, ನಾವು ಪಾಕಿಸ್ತಾನದವರು.

6 ಜನ ಇದ್ದೀವಿ. ಒಂದೊಂದು ಜಿಲ್ಲೆಯಲ್ಲಿ ಇದ್ದೀವಿ. ಇಂಡಿಯಾದವರನ್ನು ಒಬ್ಬರನ್ನೂ ಬಿಡೋಲ್ಲ. ನಮಗೆ ಹೇಗೆ ಕನ್ನಡ ಬಂತು ಎಂದು ಯೋಚನೆಯೇ?. ನಮಗೆ ಕನ್ನಡದವರು ಹೆಲ್ಪ್ ಮಾಡುತ್ತಿದ್ದಾರೆ. ನಾವು ಇಬ್ಬರು ಬಾಳೆಹೊನ್ನೂರಿನಲ್ಲೇ ಇದ್ದೀವಿ. ಪಾಕಿಸ್ತಾನದ ಹುಲಿಗಳು ಎಂದು ಬರೆಯಲಾಗಿದೆ. ಈ ರೀತಿ ಸಂದೇಶವಿರುವ ನೋಟಿನ ಚಿತ್ರ ತೆಗೆದು ಅದನ್ನು ವಾಟ್ಸ್‌ಆ್ಯಪ್‌ ಗ್ರೂಪ್‌ನಲ್ಲಿ ಹರಿಬಿಡಲಾಗಿದೆ.

ಇದರ ಬಗ್ಗೆ ಈಗಾಗಲೇ ಸೂಕ್ಷ್ಮವಾಗಿ ತನಿಖೆ ಮಾಡಲಾಗಿದೆ. ಈ ಸಂದೇಶವನ್ನು ಕಳಿಸಿದ ಯುವಕ ನನ್ನು ಪೊಲೀಸರು ಈಗಾಗಲೇ ಬಂ ಧಿಸಿದ್ದಾರೆ ಎಂದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿಗಳು ತಿಳಿಸಿದ್ದಾರೆ. ಅಲ್ಲದೆ, ಇದು ಸಾರ್ವಜನಿಕರ ನೆಮ್ಮದಿ ಹಾಗೂ ಶಾಂತಿ ಕದಡಲು ಆತ ಮಾಡಿರುವ ಸಂದೇಶವಾಗಿದೆ. ಜನರು ಯಾವುದೇ ರೀತಿಯ ಆತಂಕಕ್ಕೆ ಒಳಗಾಗಬಾರದು ಎಂದು ಕೋರಿದ್ದಾರೆ.