ಬಾಕ್ಸರ್‌ ನಿಖತ್‌ ನೋವಿಗೆ ಕ್ರೀಡಾ ಸಚಿವ ರಿಜಿಜು ಸ್ಪಂದನೆ

Team Udayavani, Oct 19, 2019, 12:00 AM IST

ಹೊಸದಿಲ್ಲಿ: ಬಾಕ್ಸರ್‌ ನಿಖತ್‌ ಜರೀನ್‌ ಅವರ ನೋವಿಗೆ ಕ್ರೀಡಾ ಸಚಿವ ಕಿರಣ್‌ ರಿಜಿಜು ಸ್ಪಂದಿಸಿದ್ದಾರೆ. ಅವರು ಟ್ವೀಟ್‌ ಮಾಡಿ ಪ್ರತಿಕ್ರಿಯಿಸಿದ್ದಾರೆ.

“ಭಾರತೀಯ ಬಾಕ್ಸಿಂಗ್‌ ಒಕ್ಕೂಟಕ್ಕೆ ರಾಷ್ಟ್ರ ಹಾಗೂ ಕ್ರೀಡೆ ಹಿತದೃಷ್ಟಿಯಿಂದ ನಿರ್ಧಾರ ತೆಗೆದು ಕೊಳ್ಳುವಂತೆ ಸೂಚಿಸುತ್ತೇನೆ. ಸಚಿವನಾಗಿರುವು ದರಿಂದ ಫೆಡರೇಷನ್‌ ಆಯ್ಕೆ ನಿರ್ಧಾರದಲ್ಲಿ ತಲೆಹಾಕಲು ನನಗೆ ಅಧಿಕಾರ ಇಲ್ಲ. ಒಲಿಂಪಿಕ್ಸ್‌ ಮಟ್ಟದಲ್ಲಿ ತೀರ್ಮಾನ ತೆಗೆದುಕೊಳ್ಳಲು ಬಿಎಫ್ಐಗೆ ಸಂಪೂರ್ಣ ಹಕ್ಕು ಇದೆ’ ಎಂದು ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ.
ಟೋಕಿಯೋದಲ್ಲಿ ನಡೆಯಲಿರುವ ಒಲಿಂಪಿಕ್ಸ್‌ ಅರ್ಹತಾ ಬಾಕ್ಸಿಂಗ್‌ ಕೂಟದಲ್ಲಿ ಪಾಲ್ಗೊಳ್ಳಲು ಆಯ್ಕೆ ಟ್ರೆಯಲ್ಸ್‌ ನಡೆಸದ ಭಾರತೀಯ ಬಾಕ್ಸಿಂಗ್‌ ಒಕ್ಕೂಟ (ಬಿಎಫ್ಐ) ವಿರುದ್ಧ ಮಹಿಳಾ ಬಾಕ್ಸರ್‌ ನಿಖತ್‌ ಜರೀನ್‌ ಆಕ್ರೋಶ ವ್ಯಕ್ತಪಡಿಸಿದ್ದರು.

ಈ ಬಗ್ಗೆ ಕೇಂದ್ರ ಕ್ರೀಡಾ ಸಚಿವ ಕಿರಣ್‌ ರಿಜಿಜು ಅವರಿಗೆ ಶುಕ್ರವಾರ ಪತ್ರ ಬರೆದು ತನ್ನ ನೋವನ್ನು ತೋಡಿಕೊಂಡಿದ್ದರು. “ಉದ್ದೇಶ ಪೂರ್ವಕವಾಗಿ ಬಿಎಫ್ಐ ನನ್ನ ಅವಕಾಶ ವನ್ನು ಕಿತ್ತುಕೊಂಡಿದೆ. ಮೇರಿ ಕೋಮ್‌ಗೆ 51 ಕೆ.ಜಿ ವಿಭಾಗದಲ್ಲಿ ನೇರ ಅರ್ಹತೆ ನೀಡುವುದಕ್ಕಾಗಿ ಈ ರೀತಿ ಮಾಡಿದೆ’ ಎಂದಿದ್ದರು.