ನವೀಕೃತ ಸೇತುವೆ-ಬಾಂದಾರ ಪರಿಶೀಲನೆ

Team Udayavani, Oct 29, 2019, 1:31 PM IST

ಭಾಲ್ಕಿ: ತಾಲೂಕಿನ ಮಾಣಿಕೇಶ್ವರ ಮತ್ತು ಜೀಗ್ಯಾಳ ಗ್ರಾಮ ಹತ್ತಿರದ ಸೇತುವೆ-ಬಾಂದಾರ ಅನ್ನು ಶಾಸಕ ಈಶ್ವರ ಖಂಡ್ರೆ ಸೋಮವಾರ ಪರಿಶೀಲಿಸಿದರು.

ಈ ವೇಳೆ ಮಾತನಾಡಿದ ಅವರು, 2006ರಲ್ಲಿ ನಮ್ಮ ತಂದೆ ಭೀಮಣ್ಣಾ ಖಂಡ್ರೆ ಅವರ ಅವಧಿಯಲ್ಲಿ ಚಾಲನೆ ನೀಡಿದ ಮಾಂಜರಾ ನದಿಗೆ ಕಟ್ಟಲಾದ ಮಾಣಿಕೇಶ್ವರ ಮತ್ತು ಜೀಗ್ಯಾಳ ಸೇತುವೆ-ಬಾಂದಾರಗಳ ಗೇಟ್‌ ಗಳಲ್ಲಿ ದೋಷದಿಂದ ನೀರು ನಿಲ್ಲುತ್ತಿದ್ದಿಲ್ಲ. ಕೆಲವು ದಿನಗಳ ಹಿಂದೆ ಈ ಕುರಿತು ಪರಿಶೀಲನೆ ನಡೆಸಿ, ಈ ಬ್ಯಾರೇಜುಗಳ ಗೇಟ್‌ ಕಾಮಗಾರಿ ನವೀಕರಣ ಮಾಡಲಾಗಿದೆ. ಹೀಗಾಗಿ ಈ ಭಾಗದ ರೈತರಿಗೆ ಈ ಬ್ಯಾರೇಜುಗಳು ಸಂಜೀವಿನಿಯಾಗಿ ಪರಿಣಮಿಸಿವೆ ಎಂದರು.

ಸದ್ಯದಲ್ಲಿ ಬಿದ್ದ ಕಡಿಮೆ ಮಳೆಯಿಂದಲೇ ಇಲ್ಲಿ ಸುಮಾರು 2.5 ನಿಂದ 3 ಮೀಟರ್‌ ವರೆಗೆ ನೀರು ನಿಂತಿದೆ. ಇದರಿಂದ ಇಲ್ಲಿಯ ರೈತರಲ್ಲಿ ಸಂತಸದ ವಾತಾವರಣ ನಿರ್ಮಾಣವಾಗಿದೆ ಎಂದು ಹೇಳಿದರು. ಸಣ್ಣ ನೀರಾವರಿ ಇಲಾಖೆಯ ಎಇಇ ವಿಲಾಸ ಮಾಶೆಟ್ಟೆ, ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿ ಅಧ್ಯಕ್ಷ ಬಾಬುರಾವ್‌ ಪೊಲೀಸ್‌ ಪಾಟೀಲ ಸೇರಿದಂತೆ ಮುಂತಾದವರು ಇದ್ದರು.